ზერაკიძე ზურაბ სერგოს ძე (21.VII.1939 ქ. თბილ.), მათემატიკოსი. თსუ-ის პროფესორი (2000), ფიზ.-მათ. მეცნ. დოქტორი (1998). დაამთავრა თსუ–ის მექან.-მათ. ფაკ-ტი (1962) და ვ. სტეკლოვის სახ. მათ. ინ-ტის ასპირანტურა (1970). მუშაობდა საქ. მეცნ. აკად. კიბერნ. ინ-ტის უმცრ. მეცნიერ-თანამშრომლად (1962-1971); თსუ–ის ი. ვეკუას სახ. გამოყენებითი მათ. ინ-ტის მეცნიერ-თანამშრომლად (1971-1980); თსუ–ის ალბათობის თეორიისა და მათ. სტატისტიკის კათედრის დოცენტად (1980–1989), გორის სახელმწ. უნ-ტში უმაღლ. მათ. კათედრის გამგედ (1989–2003);  გორის სახელმწ. უნ-ტის პროფესორია(2003). დაჯილდოებულია ღირსების ორდენით (2000). მან  განსაზღვრა და შეისწავლა ჰიპოთეზების შემოწმების ძალდებული კრიტერიუმები(2005-2008), რ–ებიც წარმოადგენდნენ ნეიმან-პირსონის კრიტერიუმის გარკვეულ განზოგადოებას. აღნიშნული კრიტერიუმების გამოყენებით მიიღება უტყუარი დასკვნები უსასრულო რაოდენობის ჰიპოთეზებისთვის ერთის ტოლი ალბათობით. იმავდროულად, მის მიერ შემოღებული ჰიპოთეზის შემოწმების კრიტერიუმების გამოყე­ნე­ბისას, ნებისმიერი სახის შეცდომის ალბათობა ნულის ტოლია.

თხზ.: Zerakidze, Z. (2015). Statistical structures and consistent criteria for checking hypotheses. Lambert Academic Pub­lishing;  Zerakidze, Z. (2016). Some models of the physical suystems. Lambert Academic Publishing; გამო­ქვე­ყნებული აქვს მონოგრაფია „მათემატიკური სტატისტიკა” სერიაში „მათემა­ტიკური ენციკლოპედია” (შპრინგერის გამომცემლობა, გერმანია).