ტყეშელაშვილი მირანდა ჭაბუკის ას (18.II.1969, ქ. ქუთაისი), ჟურნალისტი, ფილოლოგი, ფილოლოგიურ მეცნ. კანდიდატი (1995), ფილოლოგიის დოქტორი (2007), კომპარატივისტული ლიტერატურის ქართ. ასოციაციის წევრი (GCLA, 2022-დან). დაამთავრა თსუ-ის ჟურნალისტიკის  ფაკ-ტი (1991), საქართვ. მეცნ. აკად. შოთა რუსთაველის სახ. ქართ. ლიტერატურის ინ-ტის ასპირანტურა (1994). არის თსუ-ის შოთა რუსთაველის სახ. ქართ. ლიტერატურის ინ-ტის  მეცნიერ თანამშრომელი (1999-დან) და ამავე ინ–ტის სწავლული მდივანი  (2014-დან).  საქართვ. დ. აღმაშენებლის უნ-ტის (სდასუ) ასოცირებული პროფესორი (2008-2012), არისტოტელეს სახ.  ბერძნულ-ქართ. უნ-ტის უფრ. მასწავლებელი,  დოცენტი, ჟურნალისტიის ფაკ-ტის დეკანის მოადგილე (1992-1998). ტ.მ. იყო სამეცნ.-სალიტ. გაზ. „კალმასობის“ პასუხისმგებელი მდივანი (1997-2010); ამჟამად არის სამეცნ. ჟურნ. „სჯანის“ პასუხისმგებელი მდივანი, ლიტერატურის ინ-ტის სამეცნ. ფორუმებისა და სამეცნ. გამოცემების კოორდინატორი. ტ.მ.-ს სამეცნ. ინტერესების სფერო მოიცავს XIX-XX ს. ქართ. ჟურნალისტიკის ისტორიის,  მწერლობის, თანამედროვე ლიტ. პროცესების კვლევას, ემიგრანტული ლიტერატურის შესწავლას.  ტ.მ.  თანაავტორია კრებულებისა „ფრანგები საქართველოში და ფრანგული ლიტერატურის რეფლექსია ქართულ კულტურულ სივრცეში (მე-17 საუკუნიდან მე-20 საუკუნის დასაწყისამდე) და „CC საუკუნის ქართული ლიტერატურა“ (ნაწ.  II, III და IV), (2020, 2021, 2025). გამოქვეყნებული აქვს სტატიები ქართ. ჟურნალისტიკის ისტორიის, თანამედროვე ქართ. მწერლობის შესახებ.