ტყებუჩავა გიორგი ევგენის ძე (07.II.1947, ქ. თბილ.-25.XII.2006, ქ. თბილ.) მათემატიკოსი, თსუ-ის პროფესორი, ფიზ.-მათ. მეცნ. დოქტორი (1993 წ.). დაამთავრა თსუ-ის მექნ.-მათ. ფაკ-ტი (1973). ფიზ.-მათ. მეცნ. კანდიდატი (1974); იყო ი. ვეკუას სახ. გამოყენებითი მათ. ინ-ტის თანამშრომელი (1970 ). მოგვიანებით ის თსუ-ის მათ. ანალიზის კათედრის დოცენტია, ხოლო შემდეგ - ამავე კათედრის პროფესორი. მისი კვლევის ინტერესები შეეხებოდა ფურიეს ანალიზს; ორლიჩის სივრცეებს; უოლშისა და ვილენკინის ორთოგონალურ სისტემებს; უპირობო კრებადობას და ლოგარითმულ შეჯამებადობას; ჰილბერტის გარდაქმნასა და მაქსიმალურ ოპერატორებს. მან  შეისწავლა ლოგარითმული საშუალოების ზომით კრებადობის პრობლემები  ორმაგი უოლში-ფურიეს მწკრივებისათვის და დაამუშავა უპირობო კრებადობასთან დაკავშირებული საკითხები ორლიჩის სივრცეებში. მან  მიიღო კლასიკური ოპერატორების შეფასებები წონიან L^p სივრცეებში.  ის იყო სამი დოქტორანტის ე. კაპანაძე (2003), თ. კოპალიანი (1994), უ. გოგინავა (1996) სამეცნ. ხელმძღვ.

თხზ.: Tkebuchava, G. (თანაავტორი). (2004). Sbornik: Mathematics 195(10); Tkebuchava, G. (თანაავტორი). (2005). Georgian Mathematical Journal 12(4); Tkebuchava, G. (თანაავტორი). (2012). Journal of Approximation Theory 164(6).