სრესელი ნანა გივის ასული (25.X.1956, გორი, სოფ. ახრისი), ეკონომისტი, თსუ–ის ეკონ. და ბიზნესის ფაკ–ტის აღრიცხვის, ანალიზისა და აუდიტის კათედრის ასოცირებული პროფესორი. წარჩინებით დაამთავრა თსუ–ის სააღრიცხვო-ეკონ. ფაკ–ტი სპეციალობით „ბუღალტრული აღრიცხვა მრეწველობაში“ (1978) და ასპირანტურა (1982). დაიცვა დისერტაცია თემაზე: „მოგების გადიდების რეზერვები სა­ქა­რ­თველოს სსრ ხილ-ბოსტნეულის კონსერვების მრეწველობაში“ (1988). შრომითი საქმიანობა დაიწყო უნ–ტის დამთავრებისთანავე. იყო: თსუ–ის აღრიცხვის, კონტროლისა და ეკონ. ანალიზის სამეცნ.-სასწ. გაერთიანების მეცნიერ-თანამშრომელი და ბუღა­ლ­ტრული აღრიცხვისა და ეკონ. ანალიზის კათედრის მასწავლებელი საათობრივი ანაზღაურების წესით (1978-1981). იყო სააღრიცხვო-ეკონ. ფაკ–ტის ბუღალტ­რუ­ლი აღრიცხვისა და ეკონ. ანალიზის კათედრის ასისტენტი, მასწავლებელი (1981-1990), ეკონ. ფაკ–ტის დოცენტი (1990-2006). არის ეკონ. და ბიზნესის ფაკ–ტის აღრიცხვის, ანალიზისა და აუდიტის კათედრის ასოცირებული პროფესორი (2006-დან). სასწ. კურსებს კითხულობს სამივე საფეხურზე. არის ბიზნესის ადმინისტრირების საგანმან. პროგრამების დაგეგმვის, შემუშავებისა და განვითარების მხარდამჭერი კომიტეტისა და ფაკ–ტის სარედაქციო-საგამომცემლო საბჭოს წევრი. გამოქვეყნებული აქვს 2 მონოგრაფია, 4 სახელმძღვანელო, 2 ლექციების კურსი და 30-ზე მეტი სამეცნ. სტატია (2010-დან). არის რიგი სამეცნ. შრომების და სახელმძღვანელოების რეცენზენტი და რედაქტორი, აქტიურად მონაწილეობდა თსუ–ის სამეცნ.-მიზნობრივ საგრანტო პროექტებში წევრი - შემსრულებლის სტატუსით. იგი აქტიურად მონაწილეობს საერთაშ. და ადგი­ლ. სამეცნ. კონფერენციებში, სისტემატურადაა ჩართული ადგილ. და უც­ხოელი სტრუქტურების მიერ ორგანიზებულ ტრენინგებში, ვორქშოპებსა და კვალიფიკაციის ასამაღლებელ კურსებში. წლების მანძილზე ფლობდა სერთიფიკატს „ზოგად აუდიტში“ და „ინდივიდუალური აუდიტორული საქმიანობის ლიცენზიას“, ეკავა სს „საქართველოს გაერთიანებული ტელეკომის“(ამჟამად „სილქნეტი“) მთავარი ბუღალტრის თანამ­დებობა (2003-2007). მონაწილეობდა „ალტერნატიული აუდიტის“ სახელმწ. საპილოტე პროგრამაში (2011-2013). თანამშრომლობს პროფესიულ ორგანიზაციებთან. დაარსებიდან არის საქართ­ვე. პროფესიონალ ბუღალტერთა და აუდიტორთა ფედერაციის (ბაფი) წევრი და სა­ზ–ებრივი ორგანიზაცია ,,ბუღალტერთა კავშირის“ წევრი (2019-დან).

თხზ.: სრესელი, ნ. (თანაავტორი). (2010). სააღრიცხვო ინფორმაციის მაკორექტირებელი ჩანაწერების არსი და ფორმები. ეკონომიკა და ბიზნესი №6 , გვ. 159-170. თბ., უნ–ტის გამ–ბა; სრესელი, ნ. (თანაავტორი). (2011). ბიოლოგიური აქტივების შეფასების და აღრიცხვის თავისებურებები ეკონომიკა და ბიზნესი №5 , გვ. 185-194. თბ., უნ–ტის გამ–ბა; სრესელი, ნ. (თანაავტორი). (2012). წარმოებული ფინანსური ინსტრუმენტების აღრიცხვის თავისებურებები №4 ,გვ. 187-196. თბ., უნ–ტის გამ–ბა; სრესელი, ნ. (თანაავტორი). (2017). ფინანსური ანგარიშგების მომზადებისა და წარდგენის სრულყოფის გზები მცირე და საშუალო ბიზნესის საწარმოებში. თბ., უნ–ტის გამ–ბა; სრესელი, ნ. (2018). აუდიტის საფუძვლები. თბ., უნივერსალი ISBN 9789941262654; სრესელი, ნ. (თანაავტორი). (2019). მომხმარებელთა ხელშეკრულებებიდან ამონაგების აღრიცხვის ძირითადი საკითხები. ეკონომიკა, №10-12, გვ. 94-95. თბ., უნ–ტის გამ–ბა; სრესელი, ნ. (თანაავტორი). (2022). კრიპტოვალუტის აღრიც­ხვისა და ანგარიშგების საკითხები. ეკონომიკა და ბიზნესი №4, ტ. XIVგვ. 208-228. თბ., უნ–ტის გამ–ბა.