სიხარულიძე ინგა ტარიელის ასული(11.II.1973, თბილისი), ექიმი,  მედიცინის აკად. დოქტორი. დაამთავრა თბილ. სამედ. ინ-ტი „VITA“ (1998). მიიღო ზოგადი პროფილის ექიმის  სახელმწ. სერთიფიკატი (2002). იყო ზოგადი პრაქტიკის ექიმი გლდანის საექიმო ამბულატორიაში (2000-2003), თსუ–ის ალ. ნათიშვილის მორფოლ. ინ-ტის ასპირანტი სპეციალობით - ადამიანის ანატომია (2003-2006). დაამთავრა  საქართვ. სახელმწ. სამედ. აკადემიის დიპლომის შემდგომი განათლების ფაკ-ტის რეზიდენტურა სპეციალობით: შინაგანი სნეულებები (2006), დაიცვა დისერტაცია თემაზე: „ქალის მენჯის ინდივიდუალური თავისებურებები“ და მიენიჭა მედიცინის აკად. დოქტორის ხარისხი (2008). არის საქართვ. ექიმ ქალთა ასოციაციის  წევრი (სექა, 2009 - დან). ამჟამად მუშაობს თსუ–ის ალ. ნათიშვილის მორფოლ. ინ-ტის კლინიკ. ანატ. და ექსპერ. მოდელირების დეპარტამენტში მეცნიერ თანამშრომლის თანამდებობაზე (2010-დან). მისი სამეცნ. საქმიანობა ეხება ორგანიზმის სხვადასხვა  ექსტრემალური მდგომა­რეობების  დროს (შოკი, სტრესი, ვიბრაციული სტრესი, ტოქსიკოლოგიური სტრესი და სხვ.) ენდოკრინულ მექანიზმების კვლევას. მონაწილება აქვს მიღებული 12 საერთაშ. კონფერენციაში. ეწევა პედაგოგ. მოღვაწეობას. არის თსუ-ის მედ. ფაკ.-ტის კლინიკ. ანატ. და ოპერაც. ქირურგიის კათედრის მოწვ. პედაგოგი (2011-დან). არის 29 სტუდენტური  ნაშრომის ხელმძღვ.

თხზ.: სიხარულიძე, ი. (თანაავტორი). (2016). ღირსეული სიბერე : (კონფერენციის მასალები) = A Decent Old Age : (Materials of the Conference). თბ., უნ-ტის გამ-ბა; სიხარულიძე, ი. (თანაავტორი). (2016). უდაბნოს თერმული წყლის ორგანიზმზე ზემოქმედების ზოგიერთი მორფოლოგიური თავისებურება. სამეცნ. სტრატეგიების საერთაშ. კრებ. = International collection of scientific articles = Международый сборник научных статей :კულტუროლოგიის, ფიზიოთერაპიისა და რეაბილიტაციის საკითხები/თბილ. ბალნეოლოგიური კურორტი "თბილისის-SPA"- ჯანმრთელობისა და სამედიცინო რეაბილიტაციის ნაციონალური სამედ.-პრაქტიკული ცენტრი. ტ. 1. თბ.; Сихарулидзе, И. (2022). Влияние излучения электромагнитного диапазона на печень крыс. ექსპერ. და კლინ. მედიცინა = Experimental and Clinical Medicine = Эксрериментальная и клиническая медицина, N1.