სარგსიანი სერჟ (Սարգսյան Սերժ, 30.VI.1954, სტეფანაკერტი), საქართველოსა და სომხეთის რესპუბლიკას შორის ურთიერთობის განვითარებაში შეტანილი განსაკუთრებული წვლილის, რეგიონში უსაფრთხოებისა და სტაბილურობის განმტკიცებისთვის სომხეთის პრეზიდენტს მიენიჭა საპატიო დოქტორის წოდება (30.IX.2008).

ს. ს.-მ დაასრულა ერევნის სახელმწ. უნ-ტი  ფილოლოგის სპეციალობით (1979). იგი მსახურობდა სსრკ-ის შეიარაღებულ ძალებში (1974). ზეინკლად მუშაობდა ერევნის ელექტროტექნიკურ ქარხანაში (1975-1979).

ს. ს.-ს ეკავა სხვადასხვა თანამდებობა: იყო სტეფანაკერტის რუსეთის ფედერაციის ლენინელ ახალგაზრდა კომუნისტთა კავშირის საქალაქო კომიტეტის განყ-ების გამგე, მეორე მდივანი, პირველი მდივანი, სტეფანაკერტის საქალაქო კომიტეტის სააგიტაციო განყ-ების გამგე (1979-1988). მეთაურობდა მთიანი ყარაბაღის რესპუბლიკის თავდაცვით ძალებს (1989-1993), იყო სომხეთის თავდაცვის მინისტრი (1995). ერთი წლის განმავლობაში იგი სომხეთის რესპუბლიკის ეროვნული უსაფრთხოების, ხოლო შემდეგ  სომხეთის რესპუბლიკის თავდაცვის სამინისტროს ხელმძღვანელობდა (2000-2007).

ს. ს. სომხეთის რესპ. პარტიის თავ-რე, ერევნის სახელმწ. უნ-ტის საბჭოს თავ-რე და საჭადრაკო ფედერაციის პრეზიდენტი (2007), სომხეთის რესპუბლიკის პრემიერმინისტრი (2007-2008), შემდეგ  კი – სომხეთის რესპუბლიკის რიგით მესამე პრეზდენტი (არჩეული მეორე ვადით, 19.02.2008) იყო.

ს. ს.-ს მინიჭებული აქვს საქართვ.  ოქროს საწმისისა (2008) და ღირსების ორდენები (2009).