სამეცნიერო-პოპულარული ჟურნალი „მათემატიკა“. თსუ-ის 95 წლის იუბილესთან დაკავშირებით ზუსტ და  საბუნებისმეტყველო მეცნ.  ფაკ-ტის  საბჭოს  გადაწყვეტილებით დააარსდა ჟურნალი (2013).  მისი  შექმნის  იდეა  ფაკ-ტის  იმდროინდელ დეკანს-რამაზ  ბოჭორიშვილს ეკუთვნის.  ჟურნალის მიზანია მასწავლებლებსა და  მოსწავლეებში მათ. ცოდნის პოპულარიზაცია, მათემატიკის მასწავლებელთა პროფ.ზრდის  ხელშეწყობა, მოსწავლეთა ჩართვა  მათემატიკის ლამაზ სამყაროში  მოგზაურობისა და საინტერესო ამოცანების ამოხსნის პროცესში; ჟურნალი გვაწვდის ინფორმაციას როგორც მათემატიკის დეპარტამენტის, ისე მექანიკა-მათემატის ფაკ-ტის წარმატებული  კურს-დამთავრებულების საქმიანობისა და მომავალი სტუდენტების  პერსპექტივების შესახებ. სარედაქციო საბჭო: რამაზ ბოჭორიშვილი, თეიმურაზ ვეფხვაძე (მთავარი რედაქტორი),   ომარ ფურთუხია  (მთ. რედაქტორის მოადგილე),  როლანდ ომანაძე,  გია გიორგაძე, ილია თავხელიძე,  თენგიზ კოპალიანი,  ქეთევან შავგულიძე,  თინათინ დავითაშვილი,  ბეჟან ღვაბერიძე,  პეტრე ბაბილუა. ჟურნალში რამდენიმე განყოფილებაა, რ-ბსაც სარედაქციო  საბჭოს  წევრები  ხელმძღვანელობენ: „მათემატიკური  სკოლები“ (ომარ  ფურთუხია)-გად-მოიცემა მასალა მათ. ცნებებისა და პრობლემების წარმოშობისა და განვითარების  შესახებ, გამოჩენილი ქართვ. მათემატიკოსების შესახებ; „თარგმანი“ (ილია  თავხელიძე)- უცხოელი ავტორების სამეცნ.-პოპულ. სტატიები; „მეთოდიკა“  (თეიმურაზ  ვეფხვაძე,  ქეთევან  შავგულიძე) – მასალა, რ-იც  ხელს  შეუწყობს მასწავლებელთა პროფესიულ ზრდას; „მოსწავლეები“ (თენგიზ კოპალიანი,  ბეჟან  ღვაბერიძე) –  მასალა,  რომელიც  განკუთვ ნილია მოსწავლეებში მათემატიკის პოპულარიზაციისთვის, მათ.  ოლიმპიადების  მიმოხილვა,  საინტერესო  ამოცანები  მოსწავლეებისთვის; „თსუ“ (თინათინ  დავითაშვილი)-საინტერესო  ფაქტები  და  მოვლენები  ჩვენი  უნ-ტის ისტორიიდან.