საითიძე გელა (გიორგი) შალვას ძე (28.IX.1938, სოფ. ზემო სიმონეთი). ჟურნალისტი, ისტორიის მეცნ. კანდ. (1972), ისტორიის მეცნ. დოქტორი (2004). მისი სადოქტორო დისერტაციის თემა იყო „ქართული პოლიტიკური აზრია რუსეთის სახ. სათათბირო (1905-1917 წწ.)“, რ-იც წიგნად გამოიცა (2005). დაამთავრა თბილ. სახ. უნ-ტის ფილოლ. ფაკ-ტის ჟურნალისტიკის განყ-ბა (1963). კვალიფიკაციის ასამაღლებლად მოკლევადიანი კურსები და სემინარები გავლილი აქვს ბაქოში, ერევანში, მოსკოვში, ტალინში, სამარაში, კიევში, ბერლინში, ვარშავაში და სხვ. სხვადასხვა დროს მუშაობდა თბილ. კოოპერაციული ტექნიკუმის სარედ.-საგამ. ჯგუფის მთ. რედაქტორად; კომუნისტური პარტიის ისტორიის ინ-ტში თარგმნის სექტორის უფრ. მეცნიერ-თანამშრომელ რედაქტორად; საქართვ. ცკ-ს სხვადასხვა პასუხისმგებელ თანამდებობებზე; სსრკ ჟურნალისტთა კავშირის წევრი (1972-დან). საქართვ. ჟურნალისტთა ფედერაციის წევრი (1991-დან). ს. გ. იყო, საქართვ. პარლამენტის დემოკრატ. აღმშენებლობისა და პოლიტოლ. ინ-ტის გან-ბის გამგე; საქართვ. პარლამენტის ექსპერტ-კონსულტანტი; თბილ. სახ. უნ-ტის ისტორიის ფაკ. პოლიტ. პარტიების ისტ. სამეცნ.-კვლ. ლაბორ. უფრ. მეცნიერ-თანამრომელი; შოთა რუსთაველის სახ. ლიტერატურის ინ-ტის ჟურნალისტიკის გან-ბის წამყვანი მეცნიერ-თანამშრომელი; ივანე ჯავახიშვილის სახ. ისტ. და ეთნოლოგიის ინსტიტუტის ახ. და უახლესი ისტორიის გან-ბის მთ. მეცნიერ-თანამშრომელი. იგი არჩეულია საქართვ. პოლიტ. მეცნ. აკადემიის აკადემიკოსად. ს. გ.-ს სამეცნ. კვლევის ინტერესია საქართვ. ახ. და უახლესი ისტორიის ისეთი პრობლემები, როგორიცაა: ქართ. პოლიტ. აზრის განვითარება, საქართვ. დემოკრ. აღმშენებლობისა და პოლიტოლოგიის, ქართ. ჟურნალისტიკის ისტორიის საკითხები; საზ., პოლიტ. თუ სამხ. მოღვაწეთა დამსახურების წარმოჩენა, საქართვ. მართლმადიდებელი ეკლესიისა და მის გამოჩენილ მოღვაწეთა როლი ერის კონსოლიდაციის საქმეში და სხვ. სამეცნ. საქმიანობის გარდა ლექციებს კითხულობდა თსუ-ში, ილია ჭავჭავაძის უცხო ენათა სახ. უნ-ტსა და რამდენიმე კერძო უმაღლეს სასწავლებელში. არის არაერთი სამეცნ. კრებ. სარედაქციო საბჭოს წევრი, ჟურ. „საისტორიო ვერტიკალების“ ერთ-ერთი დამფუძნებელი, ცალკეული ნაშრომების რედ. ან რეცენზენტი. იგი არის 30-მდე წიგნის და ბროშურის, 150-ზე მეტი სამეცნ. სტატიის ავტორი.

თხზ.: საითიძე, გ. (2001). ათი წელი რუსეთის სახელმწიფო სათათბიროს ფრაქციის სათავეში: ნიკოლოზ (კარლო) ჩხეიძე.თბ., უნ-ტი გამ-ბა, ISBN 9992833793; საითიძე, გ. (2003). ჟურნალი „კლდე“ (1912-1915 წწ.). თბ., ნეკერი, ISBN 999285667X; საითიძე, გ. (2005). ქართული პოლიტიკური აზრი და რუსეთის სახელმწიფო სათათბირო (1905-1917 წწ.). თბ., უნ-ტის გამ-ბა, ISBN 9994038079; საითიძე, გ. (2008). ქართველები რუსეთის სახელმწიფო საბჭოში. თბ., უნივერსალი, ISBN 9789941121081; საითიძე, გ. (2009). პეტრე სურგულაძის საგამომცემლო-პუბლიცისტური და საზოგადოებრივ-პოლიტიკური მოღვაწეობა.თბ., უნივერსალი, ISBN 9789941126765; საითიძე, გ. (2011). პირველი საერთაშორისო უნივერსალური ორგანიზაცია – ერთა ლიგა და დამოუკიდებელი საქართველო (1919-1921 წწ.).თბ., უნივერსალი. ISBN 9789941171086; საითიძე, გ. (2016). პაპიდან-შვილთაშვილამდე – უსიხარულოდ განვლილი ცხოვრების გზა. თბ., უნივერსალი, ISBN 9789941228742; საითიძე, გ. (თანაავტორი). (2018). სიმონეთი და  მისი ერთი „ნიჭით დაჯილდოებული ოჯახი“ . თბ., ISBN 9789941950872.