ყუშიტაშვილი  მარინა  გიორგის ასული (19.XI.1959), თურქოლოგი. თსუ-ის  ჰუმანიტარულ  მეცნ.  ფაკ-ტის  აღმოსავლეთმცოდნეობის  სასწ.-სამეცნ.  ინ-ტისა  და  ქართულ   ენაში  მომზადების  პროგრამის სპეციალისტი (პედაგოგი). ყ.მ.-მ დაამთავრა  თსუ-ის  აღმოსავლეთმცოდნეობის ფაკ-ტის თურქოლოგიის განყ-ება (1983), ი. ჭავჭავაძის  უცხო  ენათა სახელმწ. პედაგოგიურ  ინ-ტთან  არსებული უცხო  ენების  ( გერმ.  ენა )  ორწლიანი  კურსები (1983). თსუ-ში  იყო  აღმოსავლეთმცოდნეობის  ფაკ-ტის  მდივანი (1983), თურქულოგიის კათედრის ლაბორანტი (1990), თურქული  ენის  მასწავლებელი  თსუ-ის ფასიან განყ-ებაზე (1999),  თურქულოგიის  კათედრის  თურქული ენის  მასწავლებელი (2003), შემდეგ  მოწვეული  პედაგოგი. ქართულ ენაში  მომზადების  (4+1) პროგრამის სპეციალისტი (2009-დან). მუშაობდა  სადისერტაციო  თემაზე:  „ქართუ-თურქული  ენობრივი  მასალა  გიორგი  ავალიშვილის  „მგზავრობაში„.

 თხზ.: ყუშიტაშვილი, მ. (1995).  თურქულ -ქართული  ენობრივი მასალა  გ. ავალიშვილის  „მგზავრობაში„. ორიენტალისტური  ძიებანი:  კრებ.  # 3-4, გვ. 71 -74; ყუშიტაშვილი, მ. (2005). „ლესა„ და ქართული  ხალხური  სიმღერა „ელესა„ გ. ავალიშვილის  „მგზავრობაში“. კულტურის  ისტორიისა და  თეორიის  საკითხები, N 15.