ნადირაშვილი ირმა ჯემალის ასული (15.III.1970, სიღნაღი), ისტორიკოსი, ჟურნალისტი, პოლიტიკოსი. დაამთავრა ივ. ჯავახიშვილის სახ. თსუ, საზღვარგარეთის აღმ. ქვეყნების ქვეყანათმცოდნეობის  სპეციალობით. იყო სამაუწყებლო კომპანია რუსთავი 2-ის კორესპონდენტი (1994-2005);  ნავთობისა და გაზის სააგენტოს უფრ. მოადგილე (2005-2007);  შრომის, ჯანმრთელობის და სოც. დაცვის სამინისტროს საზ-ბასთან ურთიერთობის დეპარტ. უფრ. (2008); სამაუწყებლო კომპანია რუსთავი 2-ის პროგრამა "პოსტ სკრიპტუმის" მთ. პროდიუსერი (2008-2009); სამაუწყებლო კომპანია რუსთავი 2-ის საინფორმაციო სამსახურის უფრ. (2009-2010); საქართვ. პრეზიდენტის ადმ. უფრ. მოადგილე (2010-2012); საქართვ. მე-8 მოწვევის პარლამ. წევრი, საარჩევნო ბლოკი: ერთიანი ნაციონალური მოძრაობა - "მეტი სარგებელი ხალხს", საარჩევნო ფორმა: პარტ. სიით (2012-2016); საქართვ. მე-9 მოწვევის პარლამ. წევრი, საარჩევნო ბლოკი: "ერთიანი ნაციონალური მოძრაობა", საარჩევნო ფორმა: პარტ. სიით (2016-2020); საქართვ. მე-9 მოწვევის პარლამ. საპარლამენტო უმცირესობის ლიდერის მოადგილე (2016-2019).