მონიავა მანანა (1.X.1947, ქ. თბილ.), ჟურნალისტი. დაამთავრა თსუ-ის ფილოლოგიის ფაკ-ტი ჟურნალისტიკის სპეციალობით (1970). თსუ-ში დაიცვა საკანდიდატო დისერტაცია თემაზე „აკაკი წერეთლის პუბლიცისტიკა მე-19 ს. 60–70-იან წლებში“ და მიენიჭა ფილოლოგიის მეცნ. კანდიდატის ხარისხი (1988). მუშაობდა საქ. ტელევიზიაში, ახალგაზრდობის გადაცემათა რედაქციაში (1971). მისი საქმიანობა დაკავშირებული იყო თსუ-ის ჟურნალისტიკის ფაკ-ტის მასობრივი ინფორმაციის საშუალებათა სოციოლოგიური შესწავლის სამეცნ.-კვლევით ლაბორატორიასთან (1978). მისი სტატიები იბეჭდებოდა რესპ. და საქალაქო პერიოდულ გამოცემებში. მ. მ. არის თერთმეტი სამეცნ. ნაშრომისა და ოთხი წიგნის ავტორი. მისი კვლევები ეძღვნება ქართ. ჟურნალისტიკის ისტ. საკითხებს, განსაკუთრებით XIX–XX სს. მიჯნაზე განვითარებულ პუბლიცისტურ პროცესებსა და მათ სტილისტურ თავისებურებებს. მ. მ. იყო ვეტერანთა რესპ. ორგანიზაციის წევრი.

თხზ.: მონიავა, მ. (1994). მეოცე საუკუნის დასაწყისის ქართული პრესის ისტორიიდან. თბ., უნ-ტის გამ-ბა; მონიავა, მ. (2000). აკაკი წერეთლის პუბლიცისტიკის სტილისტური თავისებურებანი. თბ., უნ-ტის გამ-ბა, ISBN: 99928-77-97-9; მონიავა, მ. (2005). ადამიანის "განღმრთობის" იდეა ილია ჭავჭავაძის დიდაქტიკურ პუბლიცისტიკაში. თბ., უნ-ტის გამ-ბა, ISBN: 99940-12-89-4.