ლომია მაია ალექსის ასული   (28.10.1965,  მარტვილი), ენათმეცნიერი, თსუ-ის ასოც. პროფესორი (2009 წ-დან). დაამთავრა თსუ-ის ფილოლოგიის ფაკ-ტი  (1990)  და ასპირანტურა (1993), ფილოლ. მეცნ. კანდ.: სადისერტაციო ნაშრომი: „ჰიპოტაქსის საკითხები მეგრულში“ (1998); მუშაობდა სა­ე­რო გიმნა­ზიაში ქართ. ენისა და ლიტ-ის მასწავლებლად (1996-2005); თსუ-ის მასწავ­ლებლად (1998-2002); იყო დოცენტი (2002-2006), თსუ-ის მოწვეული ლექტორი (2006-2008), ასისტენტ პროფესორი (2008-2009), შემდეგ ასოცირებული პროფესორი (2009-დან); თსუ-ის ჰუმანი­ტარულ მეცნ. ფაკ-ტის საბჭოს წევრი (2024 წლიდან);  პედაგოგთა სასერტიფიკატო გამოცდის შემფასებელი კომისიის წევრი (2008-2016), ქართ. ენასა და ლიტეტატურაში ერთიანი ეროვნ. გამოცდის შემფასებელი კომისიის წევრი (2005 წლიდან); რე­ცენზირებადი ელექტრონული ორ­ენოვანი სამეც. ჟურნ. „დიგიტალური ქართველოლოგიის“ სარედაქციო საბჭოს წევრი (ERICHPLUS-ის ბაზა).  ლ. მ. თანამშრომლობს ქართ. ენის სახელმწ. ენის დეპარტ. ექსპერტთა კომისიასთან (2017-დან). თსუ-ში კითხულობს საუნივერსიტეტო კურსებს:  ქართ. ფილოლოგიის შესავალი, ქართ. ენის მორფოლოგია და სინტაქსი, ქართ. მეტყველების კულტურა, ქართ., როგორც უცხო ენა (ჟურნალისტიკის, ფიზიკის, კიბერნეტიკის ფაკულტეტებზე რუ­სული სექტორის ჯგუფებში), მეგრულ-ლაზური გრამატიკის საფუძვლები და სა­ბაზისო ლექსიკა, ტექსტის ჟანრული მრავალფეროვნება და ენობრივი ანალიზის სპეციფიკა, ქართ. ენის სტრუქტურული ანალიზი, სახელისა და ზმნის მორ­ფემული ანალიზი, კოლხური (მეგრულ-ლაზური) ენის ლექსი­კო­ლოგია, ზეპირ­სიტ­ყვიერების ნიმუშების ენობრივი ანალიზი ქართველურ ენებში   და სხვ. ლ. მ.-ს კვლევის სფეროებია: ქართ. ენის გრამატიკა, ქართვ. ენათა სხვადა­სხვა ჟანრის ტექსტების ანალიზი, ქართვ. ენათა შედარებითი გრამატიკა, ქარ­თვ. ენათა ტიპოლოგია,  მეგრული და ლაზური ტექსტების ქართულად გად­მო­ღების თეორ. ჩარჩოს კონცეპტუალიზაცია (არსებულის გათვა­ლის­წინებით).
თხზ.: ლომია, მ. (თანაავტორი). (2012). ხაზთაშორის მორფემული გლოსირება: (მეგრული ტექსტების მორფოლოგიური ანალიზი): ნაწ. 1. თბ., ილიას სახელმწ. უნ-ტის გამ-ბა, ISBN: 9789941181702.; ლომია, მ. (თანაავტორი). (2012). მეგრული ტექსტები: ნაწ. 2. თბ., ილიას სახელმწ. უნ-ტის გამ-ბა, ISBN: 9789941181719.; ლომია, მ. (თანაავტორი). (2016). ფონოსემანტიკური ლექსიკა ქართველურ ენებში. თბ., ინოვაცია, ISBN: 9789941094385; ლომია, მ. (თანაავტორი). (2019). ევიდენციალობის კატეგორია ქართველურ ენებში: წიგნი 1. ქართველური ენ­ათ­მეცნიერების სე­რია 1. თბ., პეტიტი, ISBN: 9789941966897; ლომია, მ. (თანაავტორი). (2022). უარყოფის კატეგორია ქართველურ ენებში: წიგნი 2:  ქართველური ენათ­მეც­ნიერების სერია: 2. თბ., უნივერსალი, ISBN: 9789941332654.