კვირკველია ბელა ვენედის ასული (10.I.1958, გალი). დაამთავრა თსუ-ის ფიზიკის ფაკ-ტი, ბირთვული ფიზიკის სპეციალობით(1980).  სხვადასხვა წლებში მუშაობდა სამეცნ.-საწარმო გაერთიანება „მიონ“-ში, სსიპ ფ. თავაძის მეტალურგიისა და მასალათმცოდნეობის ინ-ტში, საქართვ. ტექნიკურ უნ-ტში. იყო სადოქტორო პროგრამების თანახელმძღვ., სადისერტაციო საბჭოს წევრი. მუშაობს თსუ-ში, ნახევარგამტარული მასალათმცოდნეობის კათედრაზე (1992-დან). თსუ-ის ნივთიერებათა კვლევის სამეცნ-კვლ. ინ-ტში(2009-დან). ბოლო პოზიცია აკად. ნ. კეკელიძის სახ. ნივთიერებათა კვლევის სამეცნ.-კვლ. ინ-ტის დირექტორი. კ. ბ.-ს სადისერტაციო და სამეცნ. ნაშრომების მნიშვნელოვანი ნაწილი ეძღვნება ნახევარგამტარებში რადიაციული მოვლენების გამოკვლევას. არის 60-ზე მეტი სამეცნ. პუბლიკაციის და მონოგრაფიის, ორი პატენტის ავტორი/თანაავტორი. პუბლიკაციები გამოქვეყნებულია მაღალრეიტინგულ რეფერირებად საერთაშ. სამეცნ. ჟურნალებში. არის მრავალი  სამეცნ. საერთაშ. კონფერენციის მომხსენებელი (აშშ, შვეიცარია, თურქეთი, ბელგია, ჰოლანდია, იტალია, ესპანეთი, ინგლისი, კანადა, ავსტრია და სხვ.),  მრავალი სერტიფიკატის, მათ შორის - საუკეთესო პრეზენტაციის ჯილდოს მფლობელი. გავლილი აქვს საერთაშ. ტრენინგ-კურსები „ტექნოლოგიების ტრანსფერში“. იყო 20 საერთაშ. და ადგილობრივი სამეცნ. პროექტის ხელმძღვ., კოორდინატორი, მენეჯერი და მონაწილე. სამეცნ. ინტერესები: რადიაციული ფიზიკა,  ნახევარგამტარებისა და მყარი სხეულის ფიზიკა, ნახევარგამტარების ტექნოლოგია და მასალათმცოდნეობა, ფიზიკის მეთოდები ეკოლოგიაში. მოპოვებული საერთაშ. და ეროვნ. გრანტების საფუძველზე შექმნილია უნიკალური ანალიტიკური ლაბორატორია, რ-იც აღჭურვილია უახლესი და უზუსტესი აპარატურით.