კვარაცხელია ვახტანგ ვარლამის ძე (14.VII. 1950 დაბა ჩხოროწყუ), მათემატიკოსი. ფიზ.-მათ. მეცნ. დოქტორი (2002). დაამთავრა თსუ–ის კიბერნ. და გამოყენებითი მათ. ფაკ-ტი (1971), და ასპირანტურა (1973). ფიზ.-მათ. მეცნ. კანდიდატი (1978).  მუშაობდა თსუ–ის შემთხვევით პროცესთა თეორიის (1973-1977), ხოლო შემდეგ ალბათობის თეორიისა და მათ. სტატისტიკის კათედრაზე (2003-2007);  მუშაობს სა­ქ. მეცნ. აკად. ნ. მუსხელიშვი­ლის სახ. გამოთვლითი მათ. ინ-ტში (ამჟამად საქ. ტექნ. უნ-ტის ნ. მუსხელიშვილის სახ. გამოთვლითი მათ. ინ-ტი), იყო ამავე ინ-ტის უმცრ., უფრ., წამყვანი მეცნ. თანამშრომელი, სწავლული მდივანი, დირექტორის მო­ად­გი­ლე, დირექტორი (1975-2025). ეწევა პედ. საქმიანობას სტუ–ის უმაღლ. მათ. კათედრაზე (1978- დან). მუშაობდა სოხუ­მის სა­ხელმწ. უნ-ტის ალგებრა-გეომეტრიის და მათ. სტატისტიკის კათედრაზე (2002-2007); საქ. ტექნ. უნ-ტის ნ. მუსხელი­შვილის სახ. გამოთვლითი მათ. ინ-ტის დირექტორი და მთავარი მეცნ. თანამშრომელი; იყო თსუ–ის ზუსტ და საბუ­ნე­ბის­მე­ტყვე­ლო მეცნ. ფაკ-ტის მათ. ლაბორატ. გამგე (2007-2013);  სტუ–ის პროფესორი (2013-დან). არის ქარ­თ. ენციკლოპედიის კონსულტანტი (2012). მისი სამეცნ. ინტერესთა სფეროა ალბათობის თეორია ვექტორულ სივრცეებში, შემთხვევით ვექტორთა კორელაციური თეორია და შემთხვევითი მწკრივების კრებადობა, მატრიცების თეორია, სადაც მიღებული აქვს საყურადღებო შედეგები. გამოქვეყნებული შრომებიდან აღსანიშნავია მონოგრაფია [3]:მას მოპოვებული აქვს არა ერთი ადგილობრივი და საერთაშ. გრანტები. მათ შორის, ევ­­რო­კავშირის „ჰორიზონტი ევროპა“-ს გრანტი (მკვლევარი, 2022-2025, 2025-2028), სომხეთის რესპუბლიკის განათლების, მეცნიერების, კულტურისა და სპორტის სამინისტროს სამეცნ. კომიტეტისა და სსიპ შოთა რუსთაველის საქართვ. ეროვნ. სამეცნ. ფონდის ერთობლივი სამეცნ. გრანტი (ხელ-ლი, 2025-2026). იგი არის: საქ. საინჟინრო აკად. ნამდვილი წევრი; საქ. მათ. კავშირის წევრი; საქ. სტატისტიკური ასოციაციის წევრი; აშშ  მათ. საზ-ბის წევრი; რეფერატურული ჟურნ. Zentralblatt fur Mathematiks რეფერენტი; საქ. მეცნ. ეროვნ. აკად. ექსპერტი; ოთხი დოქტორანტის ხელ–ლი; არა ერთი მაღალრეიტინგული ჟურნალის სარედაქციო კოლეგიის წევრი. დაჯილდოებულია: ღირსების ორდენით (2013), ნ. მუსხელიშვილის სახელობის პრემიით (2003), საქ. ტექნ. უნ-ტის ოქროს მედლით, არის ქ. სენაკის საპატიო მოქალაქე (2020).

თხზ.: Kvaratskhelia, V. (2000). Unconditional convergence of Gaussian random series in Banach spaces. Theory Probab. Appl., 45, 1, 147-152; Kvaratskhelia, V. (2002). So­meine­qua­litiesrelatedtoHadamardmatrices. Funct. Anal. Ap­pl., 36, 1, 68-70; Kvaratskhelia, V. (2014). Unconditional Conver-gence of Functional Series in Problems of Probability Theory. Contemporary mathematics and itsapplications. Springer, Journal of Mathematical Sciences, Volume 200, Issue 2, p. 143-254.