ქურდაძე რამაზ შოთას ძე (25. VIII. 1961, დაბა სურამი), ენათმეცნიერი, პროფესორი. დაამთავრა ნ. ბა­­­­რათაშვილის სახ. ქ. გორის პედ. ინ-ტის ისტ.-ფილოლ. ფა­კ-ტი (1983);  თსუ-ის ასპირანტურა, ახ. ქართ. ენის განხრით (1986). ქ. რ. არის ფილოლ. მეცნ. კან­დი­და­ტი (198 7); ფილოლ. მეცნ. დოქტორი (1999); თსუ-ის დოცენტი (1992); პრო­ფესორი (2001), ასოცირებული პროფესორი (2006); სრული პროფესორი (2009). მისი საკანდიდატო დისერტაციის თემა იყო: „ქართული ენის ქართლური დიალექტის ლიახვისა და ფრონის ხეობათა მეტყველება“ (1987), ხოლო სადოქტორო დისერტაციის თემა - „ხმოვანმონაცვლე ზმნები თანამედროვე ქართულში“ (1999). იყო ფულ­ბრა­იტის პროგრამით მიწვეული მკვლევარი და ლექტორი ნიუ-იორ­კის სახელმწ. უნ-ტში (სტო­­ნი ბრუკში, აშშ, 2007-2008); „ღია საზოგადოების ინსტიტუტის“ ფაკ-ტის გან­ვი­თა­რე­ბის მხარდაჭერის პროგრამით მიწვეული მკვლე­ვარი და ლექტორი დარ­­ტმუთის კო­ლეჯში (ნიუ ჰამფშირში, აშშ, 2011, 2012, 2013); მი­წვე­უ­ლი ლექტორი ლეიდენის უნ-­ტში (ნიდერ­ლანდების სამეფო, 2012, 2016, 2018, 2022); მი­წვეული ლექტორი ბრემენის უნ-­ტში (გერმანიის ფედერ. რესპ. 2015). ქ. რ. არის თსუ-ის ჰუ­მანიტარულ მეცნ. ფა­კ-ტის ქართ. ენის სასწ.-სამეცნ. ინ-­ტისა და ამავე ინ-ტის ახ. ქართ. ენის კათედრის ხელმძღვ. (2009-დან); თსუ-ის ჰუმანი­ტა­რულ მეცნ. ფაკ-ტის სამეცნ. საბჭოს წევრი (2006-დან); თსუ-ის სენატის წევრი (2006-2010); აკა­დ. საბჭოს წევრი (2010-2016, 2018-დან). განთლების ხარისხის განვითა­რე­ბის ეროვნ. ცენტრის უმაღლ. საგან­მა­ნ. პროგრამების აკრე­დიტაციის ექს­პერ­­ტი (2014-დან); სახელმწ. ენის დეპარ­ტ. ექსპერტი (2018-დან). არის არაერთი ნაშრომის ავტორი: „ქართული ენა“ 1, ქართული ენის პრაქტიკული კურსი უცხოელებისათვის (2018); „თანამედროვე ქართული ენის სოციალურ-კულტურული ასპექტები“ (2012); „ქართულ-მეგრულ-ლაზურ-სვანურ-ინგლისური ლექსიკონი“ (იდეის ავტრი და ქარ­თუ­­­ლი ინდექსის შემდგენელი) (2015); „ხმოვანმონაცვლე ზმნები თანამედროვე ქართულში“ (2005).

თხზ. (გარდა სტატიაში მოხსენიებულისა): ქურდაძე, რ. (შემ­დგე­ნელი). (2007). სვანური ენა: გრამატიკული მიმოხილვა, ტექსტები:  ლექსიკონი. თბ., პეტიტი. ISBN: 9789994094462; ქურდაძე, რ. (თანაავტორი). (2022). ევიდენციალობის კატეგორია ქართველურ ენებში: წიგ. 1.თბ., პე­ტი­ტი, ISBN: 9789941966897; ქურდაძე, რ. (თანაავტორი). (2022). უარყოფის კატეგორია ქართველურ ენებში: წიგ. 2. თბ., უნივერ­სა­ლი, ISBN: 9789941332654.