ქურჩიშვილი არკადი ალექსანდრეს ძე   (10.V.1932 - 10.VII.2021, ქ. თბილ.), მათემატიკოსი, თსუ-ის  ასისიტენტ პროფესორი. ოქროს მედალზე   დაამთავრა თბილ.   ვაჟთა საშ.  სკოლა (1950), წარჩინებით თსუ-ის ფიზ.-მათ. ფაკ-ტი (1955). ის წლების მანძილზე ეწეოდა პედაგოგიურ საქმიანობას თსუ-ის ფიზ. ფაკ-ტის უმაღლ. მათ. კათედრაზე ასისტენტის თანამდებობაზე. კითხულობდა ლექციებს ალბათობის თეორიასა და სტატისტიკაში, ატარებდა პრაქტიკულ მეცადინეობებს   სხვადასხვა მათ. საგანში (1955-2005). მუშაობდა კერძო სკოლა „ჯეჯილში“ მათემატიკის მასწავლებლად (2006-2021).  ის არის შემეცნებითი,  უმაღლესში შემსვლელთა და საბუნებისმეტყველო ფაკ-ტების სტუდენტთა დამხმარე 15 წიგნის და სტატიების  ავტორი.

თხზ.:ქურჩიშვილი, ა. (1979). უმაღლესი მათემატიკის ამოცანათა კრებული,  I ნაწილი  (ანალიზური გეომეტრია და უმაღლესი ალგებრა).  თსუ გამ-ბა; ქურჩიშვილი, ა. (1985). უმაღლესი მათემატიკის ამოცანათა კრებული, II ნაწილი  (მათემატიკური ანალიზი).  თსუ გამ-ბა; ქურჩიშვილი, ა. (1990). უმაღლესი მათემატიკის ამოცანათა კრებული, III ნაწილი  (დიფერენციალური და ინტეგრალური განტოლებები;  ვარიაციული აღრიცხვა, ალბათობის თეორია). თსუ გამ-ბა; ქურჩიშვილი, ა. (2001). ალბათობის თეორია და მათემატიკური სტატისტიკის ელემენტები.  თსუ გამ-ბა.