ხელაია გედეონ გიორგის ძე (05.VIII.1927, ფოთი-16.II.2024, თბილისი). ეკონომისტი,  ეკონ.  მეცნ. კანდ.,  პროფესორი. დაამთავრა თსუ-ის ეკონ.  ფაკ-ტი,  ფინანსებისა  და  კრედიტის  სპეციალობით (1944-1949). მუშაობდა ფინანსებისა  და  კრედიტის  კათედრაზე ლაბორანტად; უფრ.  ლაბორანტად; მასწავლებლად; შემდეგ უფრ. მასწავლებლად (1949-1961). თსუ-ის ეკონ. ფაკ-ტის ფინანს. და კრედიტების კათედრაზე დაიცვა საკანდიდატო დისერტაცია თემაზე: „საბინაო მშენებლობის დაფინანსება და გრძელვადიანი დაკრედიტება საქართველოს სსრ-ში: (1921-1961წ.წ.) (1963); დაიკავა დოცენტის წოდება (1969); დაინიშნა  თსუ-ის ეკონ. ფაკ-ტის დეკანის მოადგილედ (1969-1977). ხ. გ.-ის სადოქტორი დისერტაციის თემაა: „Долгосрочный селсько-хозяйственные кредит и основные этапы его развития“ (1984); მიენიჭა პროფესორის  თანამდებობა (1986) და  დაევალა  კათედრის  გამგის  მოვალეობის  შესრულება (1986-დან). ხ. გ. დაჯილდოებულია განათლების  სამინისტროსა და  საიუბილეო  სიგელებით. მისი ნაშრომებია: „Финансирование жилищного строительства в Советской Грузии в послевоенный период: [1946-1960]“ (Труды ТГУ, 1963, т. 100). “ფულის მიმოქცევის ორგანიზაციის კურსის საგანი  და  ამოცანები“ (ეკონომისტი,1966);

თხზ: ხელაია, გ. (1969). სსრკ-ში ფულის მიმოქცევის ორგანიზაცია და  დაგეგმვა: დამხმ. სახელმძღვ. თბ.; ხელაია, გ. (1971). სამეურნეო რეფორმა და კრედიტის როლის ამაღლება სახალხო მეურნეობაში: მონოგრაფია. თბ., საბჭ. საქართველო; ხელაია, გ. (1984). ხანგრძლივი სასოფლო-სამეურნეო კრედიტი და  მისი განვითარების ძირითადი ეტაპები:  (საქართველოს სსრ მასალების საფუძველზე): მონოგრაფია. თბ. საბჭ.  საქართველო.