ქამუშაძე თეა გივის ასული (22. IV. 1981, თბილისი) – ქართვ. ანთროპოლოგი და ეთნოლოგი. დაამთავრა თსუ წარჩინებით. დაიცვა სადოქტორო დისერტაცია თსუ-ში (2018). თსუ-ის ივ. ჯავახიშვილის სახ. ისტ. და ეთნოლოგიის ინ-ტის მეცნიერ თანამშრომელი (2018-დან). მოწვეული ლექტორი თსუ-ში (2008–დან). ჯიპას ასოცირებული პროფ. სოც. და კულტ. ანთროპოლოგიაში.
ქ. თ.-ს სამეცნ. საქმიანობა ფოკუსირებულია პოსტკოლონიურ თეორიაზე, საბჭ. მემკვიდრეობის კვლევაზე, ქალაქთა კულტ. მეხსიერებაზე, სოციალიზაციის თავისებურებებზე და ციფრულ ანთროპოლოგიაზე.
ქ. თ. ლანე კირკლანდის სტიპენდიით იმყოფებოდა იაგელონიის უნ-ტში, კრაკოვი, პოლონეთი, სადაც დაიცვა დიპლომი (2009–2010). მიიღო CARTI-ის სტიპენდია დოქტორანტებისათვის, რ-ის ფარგლებში ერთი აკად. სემესტრი გაატარა ჰარვარდის უნ-ტში (2011–2014). ახორციელებს საკვ. პროექტს „ტრადიციების და თანამედროვეობის გადაკვეთა: ქართული ეთნოლოგიის გადაფასება პოსტკოლონიურ და ციფრულ ჭრილში“ ოქსფორდის უნ-ტში. სამეცნ. ნაშრომებში ქ. თ. წარმოაჩენს საბჭ. ქალაქების ისტ. განვითარებას, ადგილ. კულტ. მეხსიერების ფორმირებას, პოსტსაბჭ. კონტექსტში საბჭ. მემკვიდრეობის შეფასებას და ქალაქების სივრცით-სოც. ტრანსფორმაციებს. მისი კვლევები უზრუნველყოფენ მეთოდოლ. და თეორ. ბაზას სტუდენტებისა და ახალგაზრდა მკვლევრებისთვის. ქ. თ. აქტიურად მონაწილეობს საერთაშ. კონფერენციებსა და სემინარებში, წარმოაჩენს კვლევებს პოსტკოლონიური ანთროპოლ., საბჭ. ქალაქების, ეთნ. უმცირესობების ინტეგრაციისა და ადგილ. კულტ. პრაქტიკების შესახებ.
ქ. თ. არის თსუ-ში „ახალგაზრდა მეცნიერთა საერთაშორისო სიმპოზიუმი ჰუმანიტარულ მეცნიერებებში“ ერთ-ერთი დამფუძნებელი და მის ბაზაზე დაარსებული სამეცნ. ჟურნ. „წუთი“-ს („TSU-ti“), სარედაქციო ჯგუფის წევრი.
ქ. თ. აქტიურად მონაწილეობდა თსუ-ში 1+4 პროგრამის განხორციელებაში (2010), როგორც ადმ., ისე აკად. კუთხით. არის სასწავლო რესურსების და სილაბუსების ავტორი ქართულის, როგორც მეორე ენის შემსწავლელთათვის.

 თხზ.: ქამუშაძე, თ. (2022). რუსთავის საბჭოთა მემკვიდრეობა – პატარა ქალაქის დიდი ამბები. თსუ გამომც. ISBN 9789941840234