კაკულია დავით გურამის ძე (10.IX.1971, ქ. თბილ.). სწავლობდა აფხაზეთის სახელმწ. უნ-ტში (1988-1994), შემდგომ თსუ-ის სოხუმის ფილიალის ფიზ.-მათ. ფაკ-ტზე. დაამთავრა წარჩინებით რადიოფიზიკის სპეციალობით. სწავლობდა თსუ-ის ფიზიკის ფაკ-ტის ასპირანტურაში (2000-2003). დღემდე მუშაობს თსუ-ის გამოყენებითი ელექტროდინამიკის ლაბორ. ლაბორანტი (2000-2003), უმცროსი მეცნიერ თანამშრომელი (2003-2006), გამოყენებითი ელექტროდინამიკის და რადიოტექნიკის ლაბორატორიის გამგე (2006-2013). არის ზუსტ და საბუნებისმეტყველო მეცნ. ფაკ-ტის ასოცირებული პროფესორი (2013-დან). იყო სოხუმის ი. ვეკუას ფიზიკა-ტექნიკის ინ-ტის მეცნ. თანამშრომელი, მთავარი მეცნ. თანამშრომელი (2007-2017). არის ინ-ტის “ოპტიკა“ დირექტორი (2017-დან). ფიზ.-მათ. მეცნიერებათა კანდიდატი (2003). აქვს 100-ზე მეტი სამეცნ. პუბლიკაცია ელექტრომაგნიტური თავსებადობის, ანტენური, შებრუნებილი ამოცანების, ელექტრომაგნიტური ველის ადამიანზე გავლენის შესწავლის, პერიოდული სტუქტურების და ნახევარგამტარული ფიზიკის მიმათულებებით. ჰქონდა და აქვს აქტიური თანამშრომლობა უცხ. უნ-ტებთან და კომპანიებთან, ციურიხის ფედერალური ტექნოლოგიების ინ-ტთან, მისურის მეცნ. და ტექნოლ. უნ-ტთან, დარტმუთის კოლეჯთან, კომპანია მოტოროლასთან. არის ელექტრული და ელექტრონული ინჟინერიის ინ-ტის  წევრი (IEEE, 2000 -დან).