ჯანელიძე გოჩა ზაურის ძე (25. II. 1973, სოფ. ვარციხე, ბაღდადის მუნიციპალიტეტი). დაამთავრა ვარციხის საშ. სკოლა. სკოლის დამთავრების შემდეგ, ჩაერთო საქართვ. სახელმწიფოებრივი ინტერესების დაცვის პროცესში; მსახურობდა საქართვ. ეროვნ. გვარდიის რიგებში და უშუალოდ მონაწილეობდა საქართვ. ტერიტორიული მთლიანობისათვის წარმოებულ საბრძოლო მოქმედებებში სამაჩაბლოსა და აფხაზეთში (1991-1993); მუშაობა განაგრძო საქართვ. შინაგან საქმეთა სამინისტროს სისტემაში (1994). სხვადასხვა პერიოდში მსახურობდა იმერეთის სამხარეო პოლიციაში, გადაუდებელ დავალებათა ოცეულში, ასევე შინაგან საქმეთა სამინისტროს სათბობენერგეტიკის დაცვის იმერეთის სამმართველოში. ჯ. გ.-ს საქმიანობა დაკავშირებული იყო სტრატეგიული და ენერგეტ. მნიშვნელობის ობიექტების უსაფრთხოების უზრუნველყოფასთან. სწავლობდა ბიზნესისა და სამართ. საერთაშ. ინ-ტში, სადაც მიიღო იურისტ-ეკონომისტის კვალიფიკაცია ბიზნეს სამართ. სპეციალობით. სწავლა განაგრძო დავით გურამიშვილის სახ. საერთაშ. სასწ. უნ-ტში „იბერია“, სამართ. ფაკ-ტზე, სადაც მომენიჭა სამართ. მაგისტრის აკად. ხარისხი. სხვადასხვა პერიოდში მუშაობდა როგორც საჯარო, ისე კერძო სექტორში: იყო ტურისტული კომპანიის „ჰოლიდეი დირექტის“ იურისტი; ჩრდილოვან ეკონომიკასთან, კორუფციასთან ბრძოლისა და ადამიანის უფლებათა დაცვის კავშირის თანათავ-რე; “ქრისტიან-დემოკრატიული” მოძრაობას ისანი-სამგორის რ-ნული ორგანიზაცის ხელმძღვ. (2008-2010); მუშაობდა თბილ. საკრებულოში, ფრაქცია „ქართული ოცნება-დემოკრატიული საქართველოს“ აპარატში (2010-2014), სადაც მონაწილეობდა ადგილ. თვითმმართველობის საქმიანობასთან დაკავშირებულ ადმ. და ორგანიზაციულ პროცესებში; იგი თბილ. მუნიციპ. მერიის ნაძალადევის რ-ნის გამგეობაში იკავდებდა სოციალურ საკითხთა განყ-ების უფრ. თანამდებობას (2014-2015), სადაც პასუხისმგებელი იყო სოც. პროგრამების მართვაზე, მოქალაქეთა საჭიროებების შეფასებასა და მუნიციპალური სოც. მომსახურებების ეფექტიან ორგანიზებაზე; იყო ნაძალადევის რ-ნის გამგებლის მოადგილე, სადაც კურირებდა სოც., ადმ. და ინფრასტრუქტურულ მიმართულებებს (2015-2017); კომპანია „გორჯი ჯგუფში“ ეკავა შრომის უსაფრთხოების მენეჯერის პოზიცია, სადაც შრომის უსაფრთხოების სისტემის დანერგვასა და სამუშაო გარემოში პროფ. რისკების მართვაზე იყო პასუხისმგებელი (2017-2019); დააფუძნა კომპანია „უსაფრთხოების ექსპერტთა ჯგუფი“, რ-იც საქმიანობს შრომის უსაფრთხოების, გარემოს დაცვისა და პროფ. რისკების მართვის სფეროში; საქმიანობას აგრძელებს შპს „ოპტიმალ გრუპ +“-ში, ასევე  სხვადასხვა კომპანიებში, შრომის ჯანმრთელობისა და გარემოს დაცვის მიმართულების ექსპერტად (2022). ჯ. გ. იყო თსუ-ის მატერ. რესურსების მართვის დეპარტ. უფრ. მოადგილე (2023-დან), შემდეგ კი თსუ-ის პერსონალის მართვის დეპარტ. უფრ., სადაც არის უნ-ტის ადამიანური რესურსების მართვის პოლიტიკის დაგეგმვისა და განხორციელების, პერსონალის მართვის თანამედროვე სისტემების განვითარებისა და ორგანიზაციული განვითარების პროცესების ხელმძღვ. (2025-დან). გავლილი აქვს არაერთი პროფ. სასწ. პროგრამა და ტრენინგი, მათ შორის ადამიანის უფლებათა ევრ. კონვენციის სწავლების პროგრამა (ევროპის საბჭო), საარჩევნო ადმინისტრაციის სასწ. პროგრამები და შრომის უსაფრთხოების სპეციალისტის აკრედიტებული სასწ. კურსი.