გუჯაბიძე გულიკო ვარდენის ასული (12.IX.1936, ბათუმი). წარჩინებით  დაამთავრა  თსუ-ის  მექანიკა-მათ.  ფაკ-ტი   სპეციალობით  ჰიდრომექანიკა (1959). დაამთავრა  თსუ-ის   ასპირანტურა,   სპეციალობით ზედენადი  სითხის  ჰიდროდინამიკა (ხელმძღვ.  აკად. ელეფთერ  ანდრონიკაშვილი, 1962). იყო თსუ-ის ფიზიკის  ფაკ-ტის  დაბალი  ტემპერატურების  ფიზიკის  სამეცნ.-კვლ.  ლაბორ.  მეცნიერ-თანამშრომელი (1962-1970). დაიცვა  საკანდიდატო დისერტაცია  თემაზე  „მბრუნავი თხევადი  ჰელიუმის  გრიგლურ სტრუქტურასთან  დაკავშირებული რელაქსაციური  მოვლენები“(1968). იყო თსუ-ის  ზოგადი  ფიზიკის  კათედრის  დოცენტი (1970 – 2006). იყო თსუ-ის  საბუნებისმეტყველო  ფაკ-ტის  ფიზიკის  დეპარტ.  მიწვეული  ლექტორი (2006 – 2010). თსუ - ში  მუშაობის  სტაჟი  - 48 წ. გამოქვეყნებული აქვს   63  ნაშრომი  ქართულ,  საბჭოთა  და  უცხოეთის  სამეცნ. ჟურნალებში. დაამთავრა  თსუ-ის  საზ.  მეცნ. ფაკ-ტი (1983) სპეც. ქართული  ხუროთმოძღვრული  ხელოვნებათმცოდნეობა.   გამოქვეყნებულია 14  ნაშრომი ამ დარგში.