გრიგოლია მზია პეტრეს ასული (15.V. 1939, ოზურგეთი - 19.IV.2023, თბილისი). მათემატიკოსი, თსუ-ის_ დოცენტი, ფიზ.-მათ. მეცნ. კადიდატი (1977). დაამთავრა: სამტრედიის რუსული საშ. სკოლა ოქროს მედალზე (1957), თსუ-ის მექან.-მათ. ფაკ-ტი წარჩინებით (1962), ასპირანტურა (1965). იყო   საქართვ. მეცნ. აკადემიის ა. რაზმაძის სახ. მათ. ინ-ტის უმცროსი მეცნიერ-თანამშრომელი (1965-1971),  თსუ-ის მექან.-მათ. ფაკ-ტის დიფერენციალური და ინტეგრალური განტოლეებების კათედრის ასისტენტი (1971-1974), უფრ. მასწავლებელი (1974-1982), დოცენტი (1982-2006). მისი სამეცნ. ინტე­რესების სფერო იყო საწყისი და სასაზღვრო ამოცანები ჰიპერბოლური ტიპის დიფერენ­ცია­ლური განტოლებებისათის. ჰიპერბოლური ტიპის კერძოწარმოებულებიან არაწრფივ განტო­ლებათა სისტემებისათვის მის მიერ დადგენილია გურსას ამოცანის ამოხსნადობის, ცალსახად ამოხსნადობის და კორექტულობის საკმარისი პირობები. ამონახსნის ერთადერთობის დარღვევის შემთხვევაში გამოკვლეულია ამონახსნთა სიმრავლის სტრუქტურა. არის 17 სამეცნიერო ნაშრომის ავტორი.

თხზ.: Григолия, Мзия. (1982). О видоизмененной характеристической задаче для гиперболических систем сингулярностями. Дифференциальные уравнения, N 186, c. 1005-1014.   Григолия, Мзия. (1985). Об одном обобщении характеристической задачи для гиперболических систем. Дифференциальные уравнения, N 21, 4, с. 678-686.  Grigolia, M. (2005). On the solvability and well-posedeness of initial problems for higher order nonlinear hyperbolic equations. Mem. Differential Equations Math. Phys. N 35, p. 37-54.