გიგოშვილი  ივანე  ივანეს ძე (09.II.1936, თბილისი). დაამთავრა საქ. სას.-სამ. ინ-ტი აგრონომ-ეკონომისტის სპეციალობით (1954-1959). მუშაობდა ზოოტექნიკის სამეცნ.-კვლ. ინ-ტში ლაბორანტად (1959-1960); სოფლის მეურნეობის ეკონომიკის ინ-ტში, უმცროსი მეცნიერ-მუშაკის თანამდებობაზე (1960-1967); იყო საგეგმო კომიტეტის ეკონომიკის ინ-ტის უფროსი მეცნიერ-მუშაკი (1967-1969); სოფლის მეურნეობის სამინისტროს ეკონომიკის ინ-ტის უფრ. მეცნიერი თანამშრომელი (1969-1971); დაიცვა საკანდიდატო  დისერტაცია: „Основные вопросы системы ведения сельского хозяйства: (на примере колхозов Душетского района ГССР)“ და მიენიჭა ეკონომიკურ  მეცნ. კანდ.  წოდება (1966); თსუ-ში იყო სახალხო მეურნეობის დაგეგმვის  ფაკ-ტის, მრეწვ. და სოფლის მეურნეობის  ეკონომიკის  კათედრის  დოცენტი და დეკანის მოადგილე (1971-დან); ეროვნ.  მოძრაობის  პერიოდში აქტიურად  იყო ჩართული საზოგადოებრივ საქმიანობაში; საქართვ. პრეზიდენტის განკარგულებით  დაჯილდოებულია  ღირსების  მედლით; თსუ რექტორის  ბრძანებით - ივანე  ჯავახიშვილის  მედლით; აირჩიეს ეკონომისტთა კავშირის თავ-რედ (1995). მისი ნაშრომებია: „მეცხოველეობის რაციონალური ორგანიზაციის ზოგიერთი საკითხი [საქართველოში]“ (საქართველოს ეკონომისტი, 1963, N4); „Чтобы польза была обоюдной. Совершенствовать систему учета Труда: [трудовых отрядов]“ (Молодежь Грузии, 1982, 8 июля).

თხზ.: გიგოშვილი, ი. (1966). ეკონომიკური  პირობების მაჩვენებლები ზოოტექნიკურ-ორგანიზაციული ღონისძიებების კომპლექსური დახასიათების  სისტემაში. თბ., სას.-სამ. ინ-ტი; გიგოშვილი, ი. (1985). სასურსათო  პროგრამა  და  მისი  რეალიზაციის ღონისძიებანი. თბ., უნ-ტის გამ-ბა; გიგოშვილი, ი. (თანაავტორი). (1999).  გარდამავალი პერიოდის სოციალურ-ეკონომიკური პრობლემები: [კრებული]. თბ., უფლება; გიგოშვილი, ი. (1999). ეკონომიკის  ინოვაციური  პოლიტიკა მთელი  ოჯახის  კეთილდღეობა  გარანტი  უნდა გახდეს. თბ., უნ-ტის გამ-ბა; გიგოშვილი, ი. (2000). სახელმწიფო და ჩვენი მომავლის  პირობები. თბ., უნ-ტის გამ-ბა.

ლიტ.: კანდელაკი, კ. (თანაავტორი). (1999). საქართველოს პოლიტიკური პარტიები: ცნობარი 1999. თბ., ISBN 9992852410.