ღაღანიძე გიორგი მამიას ძე (22.V.1964, თბილისი), ეკონომისტი, თსუ–ის ეკონ. და ბიზნესის ფაკ–ტის გლობალურ გარემოში მენეჯმენტის კათედრის პროფესორი, მეცნ. დოქტორი და კათედრის ხელმძღვ. წარჩინებით დაამთავრა თსუ–ის ვაჭრობის ეკონომ. და ორგანიზაციის ფაკ-ტი მატერიალურ ტექ. მომარაგების ეკონომ. და ორგანიზაციის სპეციალობით (1981-1986). იყო მართვის ინ–ტის მკვლევარი (1986-1991). ლენინგრადის საფინანსო-ეკონომიკურ ინ–ტში დაიცვა საკანდიდატო დისერტაცია თემაზე:„საწარმოო-ტექნიკური დანიშნულების პროდუქციის ვაჭრობის პროგრესული ფორმების განვითარება (საქართველოს მაგალითზე)“ (1990). იყო თსუ–ის ეკონ.  და  ბიზნესის ფაკ-ტის  დოცენტი  (1986-1994). მუშაობდა: სახ. მეურნეობის მართვის ინ–ტში მეცნიერ თანამშრომლად (1986-1994), თბილ. ეკონომიკურ ურთიერთობათა სახ. ინ–ტში რექტორის მოადგილედ (1994-1999), გაეროს განვითარების პროგრამის კოორდინატორად, ქართ. მხარის დირექტორად, ანალიტიკოსად, პროექტის კოორდინატორად, დირექტორის მოადგილედ, აღმასრ. დირექტორად (1994-2006).  იყო: ეკონ. და ბიზნესის ფაკ–ტის მენეჯმენტისა და ადმინისტრირების კათედრის სრული პროფესორი (2007-2010); თბილ. ეკონომიკურ ურთიერთობათა უნ-ტში ხარისხის უზრუნველყოფის სამსახურის უფრ. (2009-2010);  კავკასიის ბიზნეს-სკოლის მოწვეული პროფესორი (2010-2012); თსუ–ის პროფესორი, ეკონ. და ბიზნესის ფაკ-ტის დეკანის მოადგილე (2011-2012), თსუ–ის ეკონ. და ბიზნესის ფაკ-ტის დეკანი და გლობალურ გარემოში მენეჯმენტის კათედრის ხელმძღვ. ღ. გ. აქტიურად მონაწილეობს საერთაშ. სამეცნ. კონფერენციებში. მისი სტატიები ქვეყნდება ქართულ, რუსულ და ინგლისურ ენებზე საქართვ. და საზღვარგარეთის ქვეყნებში. გამოქვეყნებული აქვს 70-ზე მეტი სამეცნ. სტატია.

თხზ.: ღაღანიძე, გ. (2011). საქართველოს საექსპორტო პოტენციალის ზრდის ალტერნატივა: დივერსიფიკაცია თუ კონცენტრაცია. ეკონომიკა და ბიზნესი  №5, გვ.91–102. თბ., უნ–ტის გამ–ბა; ღაღანიძე, გ. (2015). საქართველოს საექსპორტო პოტენციალის რეალიზაცია ევროკავშირის ბაზარზე. ეკონომიკა და ბიზნესი=Economics and Business ტ. VII, №4  გვ.113-120. თბ., უნ–ტის გამ–ბა; ღაღანიძე, გ. (2015). საექსპორტო პოტენციალი და კონკურენტული უპირატესობა. ეკონომიკა და ბიზნესი=Economics and Business  №3, გვ.91–99. თბ., უნ–ტის გამ–ბა; ღაღანიძე, გ. (2019). ექსპორტის ზრდა:ახალი საექსპორტო პროდუქციის შექმნის აუცილებლობა. გლობალიზაცია და ბიზნესი = Globalization & business №7 გვ. 24–31. თბ., ევროპის უნ–ტის გამ–ბა.