გერლიანი ნანა ეგნატეს ასული (24.II.1946, თბილისი). დაამთავრა თსუ-ის ფიზიკის ფაკ-ტი. მუშაობდა ზოგადი ფიზიკის კათედრაზე ლაბორანტად პროფ. ალეკო იშხნელის ხელმძღვანელობით (1969-1971) და  უფრ. მეცნიერ-თანამშრომლად ბირთვული ფიზიკის კათედ­რა­ზე (1984-2004). იგი აქტიურად მონაწილეობდა სამეცნ.-კვლ. ექსპერიმენტებში, რ-იც სრულდებოდა დოცენტ შოთა გელაშვილის ხელმძღვანელობით თსუ-ის ბირთვული ფიზიკის კათედრის, გეოფიზიკის კათედრისა და მცხეთის ბირთვული რეაქტორის ბაზებზე. აღნიშნული კვლევითი სამუშაოები წარმოებდა ყაზანის სახელმწ. უნ-ტისა და მოსკოვის ბირ­თვული ქიმიის ინ-ტის დაკვეთით. ექსპერიმენტების დროს კვლევებს ექვემდებარებოდა თათრეთის ავტონ. რესპუბლიკის ტერიტორიაზე არსებული ნავთობის მომპოვებელი ჭაბურღილებიდან ამოღებული კოლექტორული დანალექი ქანების ნიმუშები, შეისწავლებოდა ქანების მაგნ. თვისებების ცვლილებები ბირთვული დასხივების პირობებში ექსპოზი­ციის დროის ფართო დიაპაზონში. კვლევითი სამუშაოების შედეგები აისახა სამეცნ.-კვლ. სამუშაოების ანგარიშებში, რ-იც დამკვეთი ორგანიზაციების კუთვნილებაა. არის 10-მდე სამეც. ნაშრომის ავტორი.