გამსახურდია  გივი გრიგოლის ძე (1937. 06.VII, თბილისი-2012). ეკონომისტი. დაამთავრა  თსუ-ის  ეკონომიკის  ფაკ-ტი ფინანსებისა  და  კრედიტის  სპეციალობით. დაიცვა საკანდიდატო დისერტაცია თემაზე ,,საქართველოს საფინანსო პოლიტიკის ძირითადი პრობლემები თანამედროვე ეტაპზე“ (1955) და სადოქტორო  დისერტაცია „ფინანსების  როლი  საქართველოს  გარდამავალ  ეკონომიკაში“ (1997). უნ-ტში მუშაობის  პერიოდში ეკავა  დოცენტის  თანამდებობა (1965-1976); იყო  ეკონ. ფაკ-ტის  დეკანის  მოადგილე (1977-1990); კათედრის  გამგის  მოადგილე მოგვიანებით  დაიკავა  ცენტრ.  კომიტეტის  საორგანიზაციო განყ-ების ინსპექტორის თანამდებობა; იყო  საქართვ. ფინანსთა  სამინისტროს მთ.  სამმართველოს  უფრ.; აბაშის  რაიკომის  მდივანი; სახალხო  კონტროლის პალატის  თავ-რის  მოადგილე; საქართვ. ეროვნ.  ბანკის  საბჭოს  წევრი (1994-2006); თსუ-ის ფინანსებისა  და  კრედიტის კათედრის  გამგე (1994); საქართვ. ტექნ. უნ-ტის ბიზნეს-ინჟინერინგის ფაკ-ტის სრული პროფესორი. პროფ. გ. გ.  200 -მდე  სამეცნ.  ნაშრომის  ავტორია.  მისი  სამეცნ.  ინტერესები  მოიცავდა  საფინანსო  პოლიტიკის, ფულის  მიმოქცევის,  საბანკო  სისტემისა  და  ეკონ.  რეფორმების  საკითხებს. მრავალწლიანი სამეცნ. პედ.  და  საზ-ებრივი  საქმიანობისათვის  დაჯილდოებულია  ღირსების  ორდენით, სტუდენტი ახალგაზრდობის აღზრდის საქმეში შეტანილი დიდი წლილისა და ნაყოფიერი სამეცნ. მოღვაწეობისათვის (1998)  და  საპატიო  ნიშნის  ორდენით.  გ. გ. იყო საბაჟო დეპარტ. საბჭოს წევრი; საგადასახადო ინსპექციის საბჭოს წევრი.

თხზ.: გამსახურდია, გ. (1973). სოციალისტური შეჯიბრების როლი წარმოების პროცესის სრულყოფაში. თბ., უნ-ტის გამ-ბა; გამსახურდია, გ. (1994). პოლიტიკური პარტიები საქართველოში პირველი სახალხო რევოლუციისა და რეაქციის პერიოდში.  თბ.; გამსახურდია, გ. (1995). საქართველოს საფინანსო პოლიტიკის ძირითადი პრობლემები თანამედროვე ეტაპზე.  თბ., მერიდიანი; გამსახურდია, გ. (1997). ფინანსების როლი საქართველოს გარდამავალ ეკონომიკაში. თბ., მერიდიანი.

ლიტ.: ვინ ვინაა საქართველოში: ქართული ბიოგრაფიული ცნობარი: 1998-1999. თბ.; გაჩეჩილაძე, თ. (2001). წიგნი ღირსებისა: ტ. 3. თბ.