გამყრელიძე რეზო (რევაზი) ვალერიანის ძე  (04. II. 2027, ქ. ქუთაისი-05.V.2025 ქ. მოსკოვი), მათემატიკოსი და პედაგოგი, თსუ-ის პროფესორი,  სსრკ მეცნ. აკად. აკადემიკოსი (2003), ფიზ.-მათ. მეცნ. დოქტორი (1960). დაამთავრა მოსკოვის ლომონოსოვის სახ. სახელმწ. უნი-ტის მექან.-მათ. ფაკ-ტი ( 1950) და ასპირანტურა (1953). იყო სსრკ ვ. სტეკლოვის სახ. მოსკოვის  მათ. ინ-ტის უმცრ., უფრ. და მთ. მეცნიერ-თანამშრომელი (1953-1988), დიფერენციალური განტოლებების განყ-ბის გამგე (1988-1997).  ის არის ოპტიმალური მართვის თეორიის ერთ-ერთი ფუძემდებელი. რ. გამყრელიძე, გურამ ხარატიშვილთან ერთად, ითვლება საქ.  ოპტიმა­ლური მართვის თეორიის განვითა­რების ორგანიზატორად და პირველი ქართვ. მათ. მეცნიერის  ანდრია რა­ზ­მაძის მეცნ. მემკვიდრეო­ბის გამგ­რძე­­ლე­ბლად. იგი იყო თსუ-ის მართვის თეორიის კათედრის დამაა­რსებელი (1971) და გამგე  (1975-1995), რუსეთის მეცნ. აკად.  პრეზი­დიუმის მეცნიერ-მრჩე­ველი (1999-2025). საქ. მეცნ. ეროვნ. აკად. აკადემიკოსი (1969).  სსრკ ლენინური პრემიის ლაუ­რე­ატი (1962); საქ. მეცნ. ეროვნ. აკად. ა. რაზმაძის სახ. პრემიის ლაურეატი (1980). საქ. მეცნ. დამს. მოღვაწე (1985). დაჯი­ლდოვებულია  თსუ-ის ი. ჯა­ვახი­შვილის სახ. მედლით (2017). ის ეწე­ო­და ნაყოფიერ სამე­ცნ.-კვლ. და პედაგო­გიურ მოღვაწეობას როგორც საქართვე­ლოში, ასევე მსოფლიოს სხვადასხვა სამეცნ. ცენტრებში (აშშ, გერმანია, საფრა­ნგე­თი, ინგლისი და სხვა ).  მისი მრა­ვალრიცხოვან მოწაფეებს  შორის  მრავალადაა, მსოფლიოში ცნობილი  მეცნი­ერი. რ. გამყრე­ლიძე იყო "Journal of Dynammical and Control Systems" და "Journal of Mathema­tical Sciences" დამაარსებელი და მთ. რედაქტორი; რეფერატული  ჟურნ.  ”Matema­tika”,   სერიული გამოცე­მების: ”Contempo­rary Mathematics  and Its  Applications”, “Contemporary Mathematics. Fundamental Directions”, “Fundamental and Applied  Mathematics”  მთ. რედა­ქტორი. მეცნ. კვლევების მიმართუ­ლე­ბები: ტოპოლო­გია; ოპტიმა­ლური მართვის  თეორია; დიფე­რე­ნციალური გან­ტო­ლე­ბები; ექ­სტ­რე­მა­ლური ამო­ცანე­ბის აქსიომა­ტური თეორია;  მარ­თვის გეომეტრიული თეორია.

თხზ.: Gamkrelidze R. (თანაავტორი). (1961). The mathematical theory of optimal  processes. (Russian), Gosudarstv. Izdat. Fiz.-Mat. Lit,. Moscow;  Gamkrelidze R. (1978). Principles of optimal control theory. Plenum-Press-New York and London; Gamkrelidze R. (თანაავტორი). (1985). Differential geometric and group theoretic methods in optimal control theory, J. Soviet Math., 28:2, pp. 145–182.