გაფრინდაშვილი ლელა გულადფის ას (02.VIII.1967, ქ. ქუთაისი), ფილოსოფოსი, თსუ-ის პროფესორი (2006). დაამთავრა თსუ (1989), შემდგომ – ასპირანტურა (1992) ფილოსოფიის ისტორიის სპეციალობით. არის თსუ-ის სოციალურ და პოლიტიკურ მეცნ. ფაკ-ტის ასოცირებული პროფესორი (2006). გ.ლ.-ს სამეცნ. ინტერესები საქართველოში განმანათლებლობის, ქალთა ემანსიპაციისა და ქართულ-დასავლური დიალოგის ისტორიაზე ფოკუსირდება (1990-დან). ამ თემებზე შექმნილი აქვს რამდენიმე მნიშვნელოვანი პუბლიკაცია, მათ შორის: „დემოკრატიულ ღირებულებათა ნაკვალევზე საქართველოში“ (2011); „ქალები და ქალთა საკითხი საქართველოს დემოკრატიულ რესპუბლიკაში: 1918-1921“ (2018); „ქართულ-გერმანული ურთიერთობების მწვანე ისტორია: იდეები და მოღვაწეები“ (2021, ქართულ, გერმანულ და ინგლისურ ენებზე); „ევროპელი ქალების საქართველო: 1823-1923“ (2021); „ქალები და ქალთა საკითხი საქართველოში“ (2024). გ.ლ.-ს ინიციატივით ქართულად ითარგმნა და გამოიცა ევროპელ მეცნიერთა, მოგზაურებისა და მკვლევართა ნაშრომები, როგორებიც არიან: ფ. ფრაიგანგი; ე. ლისტერი; ა. დრანსე; კ. სერენა; ბ. ფონ ზიტნერი; მ. უორდროპი; ო. კენი და ს. დე ბოვუარი. გ.ლ.-მ მნიშვნელოვანი წვლილი შეიტანა თსუ-ის სოციალურ და პოლიტიკურ მეცნ. ფაკ-ტის საბაკალავრო და სამაგისტრო პროგრამებში ამ კვლევების ინტეგრირებაში. გ.ლ.-ს სტატიები, რ-ებიც შეეხება საქართველოში განმანათლებლური იდეების დამკვიდრებას, ქართველ განმანათლებლებთან და განმანათლებელ ქალებთან დაკავშირებულ საკითხებს, გამოქვეყნებულია როგორც სამეცნ., ისე სამეცნ.-პოპულარული და პუბლიცისტური ფორმატებით, ქართულ და უცხოურ გამოცემებში.

თხზ.: გაფრინდაშვილი, ლ. (2011). ქართული განმანათლებლობა: ევროპის კვალდაკვალ და იმპერიის მარწუხებში. წიგნში დემოკრატიულ ღირებულებათა ნაკვალევზე საქართველოში. გამომც. დობერა; Gaprindashvili, L. (2018). Pioneer Women: “Herstories” of Feminist Movement in Georgia. In the Book “Gender in Georgia”. Berghahn, New York-Oxford; გაფრინდაშვილი, ლ. (2021). HOMადიზმი: კულტურული და პოლიტიკური განზომილება. წიგნში „ევროპელი ქალების საქართველო: 1823-1923“. CEZANNE; გაფრინდაშვილი, ლ. (2021). ქალის სივრცე და ქალების კულტურა. წიგნში „ქართულ-გერმანული ურთიერთობების მწვანე ისტორია“ (ქართულ, გერმანულ და ინგლისურ ენებზე). CEZANNE; გაფრინდაშვილი, ლ. (2024). ქალები და ქალთა საკითხი საქართველოში. CEZANNE.