ფარაჯევა გულნარა ალის ასული (03.IV.1945, ბოლნისი), ეკონომისტი,  ეკონ.  მეცნ.  კანდიდატი,  დოცენტი. წარჩინებით დაამთავრა თსუ-ის  ეკონ.  ფაკ-ტი  სამრეწვ. საქონელმცოდნეობის  სპეციალობით (1963-1968), შემდეგ ასპირანტურა (1970-1972). მუშაობდა  სახ.  მეურნეობის  დაგეგმვისა  და ვაჭრობის  ეკონ.  კათედრაზე ლაბორანტად, მასწავლებლად (1972-1981). დაიცვა  საკანდიდატო  დისერტაცია:,, ტრიკოტაჟის წარმოების განვითარება და რეალიზაციის პრობლემები" (1983) და მიენიჭა ეკონ. მეცნ. კანდიდატის წოდება - საქონელმიმოქცევის ეკონ.  და  ორგანიზაციის  კათედრაზე. გამოსცა  თეზისები,  სტატები, სალექციო  კურსები,  სახელმძღვანელო  თანაავტორობით.

თხზ.:ფარაჯევა, გ. (1982). საბჭოთა  ვაჭრობის ეკონომიკისა  და  ორგანიზაციის  საკითხები.  თბ.,  უნ–ტის გამ–ბა;   ფარაჯევა, გ. (1999). საქონელმოძრაობის  ორგანიზაცია  და საქონლის  მიწოდების  მარკა. თბ., უნ–ტის გამ–ბა; ფარაჯევა, გ. (თანაავტორი). (2003). სავაჭრო  საწარმოს  ორგანიზაცია და მართვა. თბ., უნ–ტის გამ–ბა; ფარაჯევა, გ. (2005). სავაჭრო  მომსახურების  ხარისხის  ანალიზი. თბ., უნ–ტის გამ–ბა.