აშორდია მალხაზ (27.VI.1955, თბილისი) – ქართვ. მათემატიკოსი. დაამთავრა ვლ. კომაროვის თბილ. ფიზ.-მათ. # 199 საშ. სკოლა (1972), სწავლობდა თსუ-ის მექან.-მათ. ფაკ-ტზე (1972-1975), შემდეგ ლომონოსოვის სახ. მსუ-ის მექან.-მათ. ფაკ-ტზე (1976-1978). იყო ა. რაზმაძის სახ. მათ. ინ-ტის ასპირანტი (1982-1985), დოქტორანტი (1896-1997). დაიცვა საკანდიდატო დისერტაცია თემაზე “განზოგადებულ ჩვეულებრივ დიფერენციალურ განტოლებათა სისტემებისთვის საწყისი და სასაზღვრო ამოცანების შესახებ” (1986), სადოქტორო დისერტაცია – “ზოგიერთი სასაზღვრო ამოცანა განზოგადებულ ჩვეულებრივ დიფერენციალურ განტოლებათა სისტემებისთვის” (1998). მუშაობდა სტუ-ში (1985-1990), ივ. ჯავახიშვილის სახ. თსუ-ის ი. ვეკუას სახ. გამოყენებითი მათ. ინ-ტის უფ. მეცნიერ თანამშრომლად და ივ. ჯავახიშვილის სახ. თსუ-ის დიფერენციალური და ინტეგრალური განტოლებების კათედრაზე დოცენტის თანამდებობაზე (1990-2006), არის სოხუმის უნ-ტის პროფესორი (1995-დან), ა. რაზმაძის სახ. მათ. ინ-ტის მთ. მეცნიერ-თანამშრომელი (2001-დან). არის “Memoirs on Differential Equations and Mathematical Physics” სარედაქციო კოლეგიის წევრი. მონაწილებოდა 6 საერთაშ. სამეცნ. გრანტში. მიღებული აქვს საქართვ. მეცნ. აკადემიის ნ. მუსხელიშვილის სახ. პრემია (2005). მონაწილეობა აქვს მიღებული 30-ზე მეტ საერთაშ. თუ ადგილობრივ სამეცნ. ფორუმში. მისი ხელმძღვანელობით დაცულია 4 სადოქტორო დისერტაცია. არის 3 მონოგრაფიისა და 115 სამეცნიერო ნაშრომის ავტორი. მ. აშორდია არის ი. კიღურაძის სკოლის წარმომადგენელი. მისი სამეცნ. ინტე­რესებისა და ძირითადი კვლევის სფეროს წარმოადგენს იარ. კურცვაილის აზრით განზოგადებულ ჩვეულებრივ დიფერენციალურ განტოლებათა სისტემებისთვის თეორიის კვლევა. კერძოდ, საწყისი და სასაზღვრო ამოცანების (მათ შორის, სინგულარული) ამოხსნადობის, ცალსახად ამოხსნადობის, კორექტულობის და სხვა ამოცანების შესწავლა. წრფივი ამოცანების და ზოგიერთი არაწრფივი სასაზღვრო ამოცანისთვის მიღებულია შესაბამისი აუცილებელი და საკმარისი (მათ შორის, ეფექტური საკმარისი) პირობები. ინტერესი აღნიშნული თეორიისადმი გარკვეულწილად განპირობებულია იმითაც, რომ ამ თეორიის ფარგლებში ერთიანი კუთხით შეისწავლება ჩვეულებრივი, იმპულსური დიფერნციალური და სხვაობიანი განტოლებები. მიღებული შედეგები რეალიზებულია ამ უკანასკნელ განტოლებათა სისტემებისთვის, რაც საშუალებას იძლევა არსებული “ანომალიების” თეორიულ ახსნას. კორექტულობის შედეგებიდან გამომდინარეობს განზოგადებულ ჩვეულებრივ დიფერენციალურ განტოლებათა სისტემებისთვის რიცხვითი ამოხსნისთვის შესაბამისი დებულებები. კერძოდ, სხვაობიანი სქემების კრებადობის პირობები – წრფივი შემთხვევისთვის, ამ სქემების კრებადობის აუცილებელი და საკმარისი პირობები. ეს შედეგები რეალიზებულია ჩვეულებრივი, იმპულსური დიფერენციალური და სხვაობიანი სისტემებისთვის. ზოგიერთი არაწრფივი ამოცანისთვისაც მიღებულია შესაბამისი აუცილებელი და საკმარისი პირობები.

თხზ.:  Ashordia, M. (2005). On the General and Multipoint Boundary Value Problems for Linear Systems of Generalized Ordinary Differential Equations, Linear Impulse and Linear Difference Systems. Mem. Differential Equations Math. Phys. 36, 1-80; ISSN 1512-0015; Ashordia, M. (2019). The Initial Problem for Linear Systems of Generalized Ordinary Differential Equations, Linear Impulsive and Ordinary Differential Systems. Numerical Solvability. Mem. Differ. Equ. Math. Phys. 78, 1-162; ISSN 1512-0015; Ashordia, M. (2020). The General Boundary Value Problems for Linear Systems of Generalized Ordinary Differential Equations, Linear Impulsive Differential and Ordinary Differential Systems. Numerical solvability. Mem. Differ. Equ. Math. Phys. 81, 1-184; ISSN 1512-0015.