ასათიანი ვლადიმერ არჩილის ძე (16. XI. 1955, თბილისი), მხატვარი, ესთეტიკოსი, ფილოსოფიურ მეცნ. კანდ. (1991), დოცენტი. ა. ვლ. იყო რესპ. მოსწ. სასახლის ხატვისა და ფერწერის კაბინეტის პედაგოგი (1978-1990); თსუ-ის საზ. პროფ. ფაკ-ტის ლექტორი (1979); ამავე ფაკ-ტის უფრ. ლაბორანტი (1983); შემდგ მეცნიერ-თანამშრომელი (1986); თსუ-ის ხელოვნ. და ჰუმანიტარულ პროფ. ფაკ-ტის სახვითი და გამოყენებითი ხელოვნების განყ. გამგე (1986-1992); შემდგომ კათედრის გამგე (1992-2006); თსუ-ის სტუდ.-ახალგაზრდობის, მხატვრულ-ესთეტ. აღზრდის, სამეცნ.-კვლ. ლაბორ. გამგე (1988-2005); ხელოვნების ფაკ-ტი დეკანის მოვალეობის შემსრულებელი (2005-2006); ჰუმანიტარულ მეცნ. ფაკ-ტის, ვიზუალური ხელოვნების სამეცნ.-სასწ. ინ-ტის მოწვეული ლექტორი (2006-2010); თსუ-ის ჰუმანიტ. მეცნ. ფაკ-ტი, ვიზუალური ხელოვნების სასწ.-სამეცნ. ინ-ტი ასისტ.-პროფესორი (2010-2024); ამავე ინ-ტის ასოცირებული პროფესორი (2024). ა. ვლ.-მა დაამთავრა თბილ. სახელმწ. სამხატვრო აკადემია (1977); იყო საქართვ. ეროვნ. მეცნ. აკადემიის ფილოსოფიის ინ-ტის ასპირანტურა (1990); დაიცვა საკანდიდატო დისერტაცია თემაზე; „სახვითი ხელოვნების მითოსური ფესვები“ (1991). ა.  ვლ. წლების მანძილზე მუშაობდა სტუდენტებისთვის სახვ. ხელოვნების შესწავლის პროცესში, მხატვრულ-პრაქტ. და თეორიულ-ესთეტ. ცოდნის, ინტეგრირებულად ათვისების დანერგვაზე, ტექ. უნართა პარალელურად, ანალიტიკური უნარების განვითარებაზე. მოამზადა სპეციალური, სალექციო, ილუსტრირებული ელექტრონული კურსები, როგორც საბაკალავრო, ისე სამაგისტრო პროგრამებისთვის. არის „აკადემია იტალიის ხელოვნება  მსოფლიოსთვის“  საპატიო წევრი (2016); მიღებული აქვს საქართვ. მეცნ. ეროვნ. აკადემიის ჯილდო (იუნესკოს მიერ დაწესებული მეცნ. მსოფლიო დღესთან დაკავშირებით, საპატიო სიგელი ესთეტიკისა და ხელოვნების დარგში სამეცნ. მიღწევებისთვის, 2024); მონაწილეობა აქვს მიღებული თსუ-ის პირველი (2024) და მეორე (2025) საერთაშორისო სიმპოზიუმში, „სახვითი და ხელოვნება-ტრადიცია, შესაძლებლობები და გამოწვევები“, რ-იც ჩატარდა ჰუმანიტარულ მეცნ. ფაკ-ტი ვიზუალური ხელოვნების სასწ.-სამეცნ. ინ-ტის მიერ; იყო პლენარული სესიის წამყვანი; ათეულობით პერსონალური და თემატური გამოფენის მონაწილე საქართველოში და საზღვარგარეთ; შეყვანილია რამდენიმე ათეულ საერთაშ. სახელოვნებო კატალოგში; მიღებული აქვს რამდენიმე საერთაშ.  ჯილდო მხატვრულ სფეროში მიღწევებისთვის; არის მრავალი მხატვრული, სამეცნ. ნაშრომისა და მათ შორის 2 მონოგრაფიის ავტორი.

თხზ.: ასათიანი, ვ. (2005). გემოვნება, როგორც მხატვრული ცოდნის სპეციფიკის საფუძველი და შემეცნების ფორმა. თბ., უნივერსალი, ISBN: 9994051148; Asatiani, V. (2017). Anato-physiology of Art: (The specific character of invariant of the structure of the artistic culture): Monograph. Saarbrucken; Asatiani, V. (2023).   Anato-Physiologie der Kunst, Die Besonderheit der invarianten Struktur der künstlerischen Kultur, ein Versuch,   eine   allgemeine   Theorie   der   Kunst   zu   schaffen.   Published   by Verlag   Unser Wissen,  ISBN: 6206912248; Asatiani, V. (2023).  Anatofisiologia dell'arte: (Specificità della struttura invariante della  cultura artistica, un tentativo di creare una teoria generale dell'arte). Published by Edizioni Sapienza Dez, ISBN 10: 6206912264ISBN; Asatiani, V. (2023). A nat o- fisio log ia  da  art e:  Especifici dade  da  est rut ura  invar iante   da   cultura  artística,   uma   tent ativa   de   criar   uma   teoria   geral   da   arte. Published  by Edições  Nosso Conhecimento, ISBN  10:  6206912272; Асатиани, В. (2026). Система структурного трансцендентализма в эстетике: монография.  Берлин ISBN: 9786630028867.