ანთაძე კონსტანტინე (კოტე) დოდოს ძე (7.V.1929, თბილისი – 26.VI.2006, თბილისი), ისტორიკოსი. თსუ-ის პროფესორი (1977), ღირსების ორდენის კავალერი (2003). დაიბადა თეატრ. მოღვაწის, რეჟისორ დ. ანთაძისა და იურისტის, ფილოლოგის, მთარგმნელის ფ. გოკიელის ოჯახში. დაამთავრა თსუ-ის ისტორიის ფაკ-ტი (1952) და ასპირანტურა დასავლეთ ევროპის ახ. ისტორიის განხრით (1955). საკანდიდატო დისერტაცია დაიცვა თემაზე: „1792 წლის 10 აგვისტოს გადატრიალება“ (1956), ხოლო სადოქტორო - თემაზე: „საქართველოს მოსახ­ლე­ობა XIX საუკუნეში“ (1973).  მუშაობდა საქართვ. მეცნ. აკად. ვ. ბაგრატიონის სახ. გეოგრაფიის ინ-ტსა (1946-დან) და თსუ-ის ახ. და უახლესი ისტორიის კათედრაზე (სრული დატვირთვით 1961-დან გარ­დაც­ვალებამდე), რომელსაც ხელმძღვანელობდა (1980-2003). ეწეოდა ახ. ისტორიის პო­პულარიზაციას, აქტიურად იყო ჩართული ახ. და უახლესი პერიოდების სა­ხელმძღვანელოებისა და ახ. ის­ტო­რიის ქრესტომათიის პირველი ნაწილის შექმნაში. მის მთავარ დამსახურებად ქარ­თ. ისტორიოგრაფიის წინაშე მიიჩნევა ახ. ტიპის მსოფლიო ისტორიის სასკოლო სახელმძღვანელოების შექმნა. ალ. ნამო­რა­ძეს­თან ერთად დიდი წვლილი შეიტანა ახ. ისტორიის ქართველ მკვლევართა აღზ­რ­და-დაწინაურების საქმეში.

თხზ.: ანთაძე, კ. (1973). საქართველოს მოსახლეობა XIX საუკუნეში (ისტორიულ-დემოგრაფიული გამოკვლევა). თბ., გამომც. განათლება; ანთაძე, კ. (1978). ნარკვევი საფრანგეთის დიდი ბურჟუაზიული რევოლუციის ისტორიიდან. თბ., გამომც. განათლება; ანთაძე, კ. (1983). გივი კიღურაძე ცხოვრება და მოღვაწეობა. თბ., უნ-ტის გამ-ბა; ანთაძე, კ. (თანაავტორი). (1999). ახალი ისტორია : მე-8 კლასის სასკოლო სახელმძღვანელო. თბ., გამომც. კონა; ანთაძე, კ. (თანაავტორი). (2002). ისტორია. ისტორიის მეცნიერების საწყისები და ახალი დროის ევროპული კულტურა. საშუალო სკოლის მე-10 კლასის სახელმძღვანელო. თბ, გამომც. კონა; ანთაძე, კ. (თანაავტორი). (2005). საფრანგეთის ისტორია, კულტურა, გეოგრაფია. თბ., უნ-ტის გამ-ბა.