ამირხანაშვილი კობა დიმიტრის ძე (5. VIII. 1954, ქ. მცხეთა), ინჟინერ-ფიზიკოსი, საქართვ. მეცნ. ეროვნ. აკად წ.-კორ. (2024), ქიმიის მეცნ. დოქტორი (1995), პროფესორი (1998).  დაამთავრა სპი საინჟ.-ფიზ. ფაკ-ტი სპეციალობით ნახევარგამტარები და დიელექტრიკები (1976). მუშაობდა თბილ. სპეც. საკონსტრუქტორო ბიუროში ინჟინრად (1976-78). სხვადასხვა დროს იყო საქართვ. მეცნ. აკად.  პ. მელიქიშვილის სახ.  ფიზ. და ორგ. ქიმიის ინ-ტის უმცროსი, უფრ. და წამყვანი მეცნიერი თანამშრომელი (1978-1986); საქართველოში კომპიუტერული ქიმიის დამაარსებელი და ამავე სახელწოდების ლაბორ. გამგე (1986-2006). ეწევა აქტიურ პედ. საქმიანობას (1985-დან). თსუ-ის პ. მელიქიშვილის ფიზ. და ორგ. ქიმიის ინ-ტის აგრ. ქიმიის ლაბორ. მთ. მეცნიერ-თანამშრომელი და სამეცნ. საბჭოს წევრი (2010-დან). ა. კ. ეწევა აქტიურ საზ. და პოლიტ. საქმიანობას. არის საქართვ. მე-4 (1995-1999) და მე-5 (1999-2004) მოწვევის პარლამენტის წევრი; მისივე ინიციატივით დაარსებული „საქართველოს პარლამენტართა პალატის“ თავ-რე (2015-დან); არასამთავრობო საქველმოქმედო ორგანიზაციის, "დიაბეტიან ბავშვთა დაცვის ასოციაციის" დამაარსებელი და პრეზიდენტი (1991-დან); დიაბეტის საერთაშ. ფედერაციის (IDF) წევრი (1993-დან); „საქართველოს დიაბეტის ფონდის“ პრეზიდენტი (2021-დან).  ა. კ.-ს სამეცნ. კვლევის სფეროა გარდამავალ მეტალთა კოორდინაციული ნაერთების მიღება და ახალი მასალების ფიზიკურ-ქიმ. თვისებების  შესწავლა, კერძოდ, თანამედროვე რენტგენოსტრუქტურული და სპექტრალური ანალიზით კომპლექსნაერთების მოლეკულური, კრისტალური და სუპრამოლეკულური სტრუქტურების აღნაგობის დეტალური აღწერა; ქრომატოგრაფიული კვლევის მეთოდების ავტომატიზაცია და მიღებული მონაცემების პროგრამული დამუშავება; სორბციული პროცესების მათემატიკური მოდელირება. არის მონოგრაფიებისა და სახელმძღვანელოს ავტორი. მისი სამეცნ. ნაშრომები გამოცემულია ქართ., ინგლისურ და რუს.  ენებზე.  მიღებული აქვს ღირსების ორდენი (2001), ასევე სხვადასხვა საერთაშ. ორგანიზაციის პრემიები და ჯილდოები.

თხზ.: ამირხანაშვილი, კ. (თანაავტორი). (2003). ბიოორგანულ ნაერთთა კვლევის მეთოდები. თბ., უნივერსალი, ISBN 9992897635; Амирханашвили, К. (2004). Оптимизациия Хроматографических Исследовании. თბ., უნივერსალი, ISBN 9994032143; ამირხანაშვილი, კ. (თანაავტორი). (2006). მასსპექტრომეტრიის გამოყენება ბიოორგანულ ქიმიაში: ნაწ. 1. თბ., ISBN 999408559X; ამირხანაშვილი, კ. (თანაავტორი). (2006). ქრომატოგრაფიის საწყისები: მონოგრაფია. თბ. ISBN 9994072811; ამირხანაშვილი, კ. (2018). დიაბეტის მართვა. თბ., Amirkhanashvili, K. (თანაავტორი). (2019). Card type aromatic polyesters. LAP LAMBERT Academic Publishing.  ISBN 9785200231352.