ალადაშვილი ალექსანდრე ვახტანგის ძე (24.I.1952, თელავი), ექიმი, კარდეოლოგი, მედიცინის მეცნ. დოქტორი, სახელმწ. პრემიის ლაურეატი ნაშრომისთვის "საქართველოში გულის იშემიური დაავადების დიაგნოსტიკისა და მკურნალობის მაღალტექნოლოგიური ინვაზიური და ინტერვენციული მეთოდების დანერგვა“ (2005). დაამთავრა: თსსი-ის სამკურნ. ფაკ-ტი (1974); იყო თელავის რ-ნის ექიმი-თერაპევტი (1975); კლინ. ორდინატორი და ასპირანტი ა. ბაკულევის სახ. გულ-სისხლძარღვთა ქირურგ. ინ-ტის (მოსკოვი, 1978-83); ექიმ-მაძიებელი (დოქტორანტი) ა. ბაკულევის სახ. გულსისხლძარღვთა ქირურგ. ინ-ტის გულის კათეტერიზაციის ლაბორ. და კარდიოლოგიურ განყ-ბაში (მოსკოვი, 1985-1989); თსსუ-ის სამკურნ. ფაკ-ტის შინაგან სნეულებათა №1 კათედრის პროფ., კათედრის გამგე, (1991-1995); ივ. ჯავახიშვილის სახ. თსუ-ის მედიცინ.  ფაკ-ტის  თერაპიის კათედრის გამგე (1995-1997); აკად. გ. ჩაფიძის გადაუდებელი კარდიოლოგიის ცენტრის ინტერვენციული მედ. და დიაგნოსტიკის დეპარტ. ხელმძღვ. (1997-დან). გაიარა მრავალჯერადი ტრენინგები ბად კროცინგენის გულის ცენტრში (გერმანია, 1998-2005). საქართვ. კლინიკურ პრაქტიკაში პირველმა ჩაატარა და ფართოდ დანერგა  კორონოგრაფიისა (1977)  და კორონარული ანგიო პლასტიკისა და სტენდირების მეთოდი (1998).