ადვაძე ვალერიან სერგოს ძე ( 17.II.1930, ახალქალაქი-2013). დაამთავრა თსუ-ის ეკონ. ფაკ-ტი პოლიტეკონომიის სპეციალობით (1948-1953),  ასპირანტურა (1956).  დაიცვა საკანდიდატო დისერტაცია(1957), სადოქტორო დისერტაცია (1970) და მიენიჭა პროფესორის წოდება. მუშაობდა  საქ. ალკკ.  ცკ. შტატგარეშე  ლექტორად  (1954).  ეწეოდა  პროპაგანდისტულ  საქმიანობას  სკკპ ეკონ. პოლიტ.  საკითხებზე (1960). ეკონ.  ფაკ-ის მდივნის მოადგილე (1962-1964). სსრკ მინისტრთა  საბჭოში  არსებული  უმაღლ.  საატესტაციო კომისიის  სახალხო მეურნეობის   ისტ.  და  საზღვარგარეთის  ქვეყნების  ეკონომიკის  საექსპერტო  კომისიის  წევრი  და  ფაკ-ზე  სამეცნ.  ხარისხების  მიმნიჭებელი  საბჭ. სწავლული  მდივანი (1973-1976). იყო    სახალხო მეურნეობისა და ეკონ. მოძღვრების ისტორიის კათედრის გამგე  ( 1978-1992 ). თსუ-ში ეკონ. მეცნ.  დოქტორის  ხარისხის  მიმნიჭებელ  სპეც.  საბჭოს ხელმძღ. მისი კვლევის ძირითადი  სფერო  იყო  საქართვ.  ეკონომიკა. გამოსცა   40-ზე მეტი ნაშრომი. 

თხზ.: ადვაძე, ვ. (1968). სოციალისტური ქვეყნების ეკონომიური   ისტორია. თბ., უნ-ტის გამ-ბა; ადვაძე, ვ. (თანაავტორი). (1964). სსრ კავშირის ეკონომიური ისტორია. თბ.,  ცოდნა; ადვაძე, ვ. (თანაავტორი). (1971,1973). სსრ კავშირის  ეკონომიური  ისტორია: ნაწ. 1-2. თბ., უნ-ტის გამ-ბა.